MAZMUR 22:15 - Alkitab Singog In Mongondow Masa In Tanaa

¹⁵ Ropotku in nodait naonda bo tubig inta noibutak, bayongan in tuḷanku noipilat nongkon poguḻingkitannea, ginaku in ḷumoḷayat naonda bo lilin.

MAZMUR 22:15 Referans Kwoze

YOHANES 19:28

Kinotaauan bidon i Yesus kon tanaa bayongan yagi-yagi ain noḷapat, bo bá onu inta ain pinais kon bonu in Buk Motusi in mobaḻídon, dá Sia in noguman, “Akuoi in moyogang.”

MAZMUR 69:3

Akuoi in noibonu kon dampaḷ inta modaḷom, diá in pomuntukan. Akuoi in noḷomot kon tubig inta moḻinow, iniḻig in bokoḷ kon dodai in tubig noponik.

YESAYA 53:12

Nobayagbí in ginanea in nobogoi in kobiagannea bo pinoyoiap intau moraat. Sia in nomotaan kon dosa in intau mobayong bo nosambayang sinbá mosia in ampungan. Dá inogoian-Ku in sia in intau mobayong nobaḻí tombuinag, bo sia in nokouḻí kon tonsilai noyotakin in intau mita mobanar.”

MAZMUR 69:21

Singkuḻe mita ain nokoinggamá kon ibog in ginaku, bo diádon in kamangku. Sinayakku in totabian, táe diá in mangaḻenea, notayak in akuoi kon poḻipoi, táe diá nokouḻí.

MAZMUR 38:10

Tuhan, kinotaauan-Mu in bayongan in ibogku, amui bo ongotku diá noibuni kon ini-Mu.

KORINTUS 1 15:3

Onu inta ain pinotaauku kon i utatku mita, yo tuabí doman in sinarimaku. Inta totok in moponting, ná inta pinais kon bonu in Buk Motusi, akuoi ain nopotaau kon i monimu kon ki Kristus ain minatoi popisí in dosa mita naton;

MAZMUR 104:29

Aka iko monoḻikud, moondok in mosia; aka gamáan-Mu in poginaannea, matoi in mosia, bo mobaḻí bui ḷobud naonda bo dungkuḷ.

MATIUS 27:50

Ki Yesus in nomaḷú bui noḷangon bodongka noposarakan in nyawa-Nea.

AMSAL 17:22

Gina inta mosanang in mokosehatbí kon awak; gina molamurú mokoinggamá kon ibog.

AYUB 29:10

bo intaupa in ihoromat in diá doman mosingog.

DANIEL 12:2

Mobayong in kon sigad monia inta ain minatoi in mobiag bui; tongosilai in motarima kon kobiagan mononoi, bo tongosilai doman in motarima kon kohohina bo inta mokokoningkim inta mononoi doman.

OMBAḶ 4:4

Adí mita mointok in diábí pinoteté, dá minatoi in rogang. Mongoadí mita moigum kon kaanon, táe diá in mobogoi.

MAZMUR 30:9

Kon ini-Mu, o Tuhan, pokuanianku, kon i Tuhan in poigumanku,

AYUB 34:15

dá matoidon in bayongan mahaḷuk inta nobiag, bo intau in mobaḻí ḷobud ná inta dungkuḷ.

AYUB 10:9

Toropdon kon nongkon butá ḷamentong Pinomia-Mu in akuoi! Umpaka yo baḻíon-Mu bui in akuoi ḷobud?

KINOBAḺIAN 18:27

Ki Abraham in bui noguman, “Ampungaidon akuoi Tuhan, sin akuoi ain noiḷaut nongingguput kon tosingogon-Mu tanaa. Akuoi naa in tongábí intau inta nongkon ḷobud, inta diábí in hak mopoyaput in tosingogon onuka.

KINOBAḺIAN 3:19

Iko totok in rumoriga in mogaid modapot in uḷatan sinbá butá mobogoi in boyó kon inimu, modapot in iko mobui mobaḻí butá, sin iko in pinomiabí nongkon butá. Iko in pinomia nongkon butá, bo bui mobaḻí butá.”

AYUB 7:21

Diádon degá mokoampung in Iko kon dosaku? Diádon degá in Iko mokopopat kon taḷáku? Diádon moonggot bo akuoi moiuḻid kon bonu in poḷoḷobongan, bo aka tayakon-Mu in akuoi, diá bidon mouḻí-Mu.”

SAMUEL 2 14:14

Kita komintan in matoibí; kita naa in naonda bo tubig inta noibutak kon butá bo diábí motaau sipunon bui. Ki Allah in diábí doman momiag bui kon intau inta ain minatoi; tuamai in igumon mako ki Tuang in moḷongasi sinbá intau inta iḷumbú mokobuidon mangoi.

AYUB 19:20

Awakku dongkadon kuḻit nobakut kon tuḷan. Gogiódon akuoi matoi bo dimukudku in mayá.

AYUB 30:16

Tanaa in motoyongdon in akuoi matoi; diádon in singgaan in rorigaku.