48 Pinountung-Nea in akuoi nongkon musungku; bangusa mita in pinotungkud-Nea kon tayowonku,
Biódon mako mosia in kotampurangan baga in tuḷú, bo pinogonag kon bonu in bubú in popatoi, dá diádon mokoḷuai bui.
Dilá monia in naonda bo uḷag mobisa, tosingogon mita monia in naonda bo rasum in uḷag upu-upung.
Kon i itoi in mododondong. Mazmur i Daud.
O Allah, intau moḷoḷatú in simindog monubu kon inakó, tongopaanan in intau moḻingá moibog moḻimod kon inakó; mosia in diábí mopandungmai kon ini-Mu.
Sia in mongaḻi kon bubú koḷabúan in intau ibanea, táe siabí tontaní in moibonu kon tua.
Tuamai in pinoḷantud totok i Allah in Sia, bo inogoian in kawasa inta moḷobe-ḷoben nongkon kawasa ibanea mako.
Ikobí in nomaḻí kon utuan bo toḷatan, Buḷud in Tabor bo Hermon moronggiow kon ini-Mu.