MAZMUR 18:46 - Alkitab Singog In Mongondow Masa In Tanaa

⁴⁶ Barani monia in noinggamádon; nourot in mosia bo iḻumuai nongkon poḷoḷukadan monia.

MAZMUR 18:46 Referans Kwoze

SAMUEL 2 22:47

Ki Tuhan in nobiag! Dinayo-dayowdon in mototuḷungku! Poḷantudon in ki Allah, mopoposaḷamatku!

MAZMUR 57:5

Akuoi in kinopung in musung, mosia in naonda bo singa mokokaan kon intau. Ingipon monia naonda bo ginubat bo piot, dilá monia in naonda bo kedang inta moḷanit.

MAZMUR 18:2

Akuoi in motabi kon ini-Mu, o Tuhan, Ikobí in nobaḻí ropotku.

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.

YOHANES 14:19

Diádon moonggot bo diádon ontongon in dunia naa in Akuoi. Táe moiko in mokoontongbí kon i-Nakó. Bo lantaran in Akuoi nobiag, dá moiko in mobiagbí doman.

LUKAS 1:47

bo mopia totok in ginaku sin ki Allah in mopoposaḷamatku.

YEREMIA 10:10

Táe Iko, Tuhan, Allah inta mobanar, Ki Allah in mobobogoi in kobiagan, datu mononoi. Aka Iko tumorú, modandú in dunia, aka Iko rumogi yo bangusa mita in diábí mokotongod. (

MAZMUR 79:9

Tuḷungaipa kaasí in kami o Allah, mopoposaḷamat nami, ampungaipa in dosa mita nami bo poḷuatdon in kami podoyon kon kahoromatan-Mu tontaní.

MAZMUR 68:20

Dayowdon in ki Tuhan, sin Siabí in ki Allah inta noposaḷamat kon inaton; pomuḷoi in singgai momotaan in Sia kon dodiaan naton.

MAZMUR 99:9

Poḷantudon in ki Tuhan Allah naton, bo sumbadon in Sia kon buḷud-Nea inta motusi, sin mokudusbí in ki Tuhan Allah naton.

MAZMUR 57:11

Sin tabi-Mu in moḷantud modapot in ḷangit, bo kososatia-Mu modapot in goḷom mita.

YESAYA 12:2

Totuu, ki Allah tua in mopoposaḷamatku, akuoi in mopirisaya kon i-Nia. Akuoi in diábí moondok, sin Sia in moginropot kon inakó. Mopoposaḷamatku in ki Allah, Kon i-Nia in popoyaputanku in dondong.

MAZMUR 51:14

Poḷungangadon in ginaku bui popisí in kasaḷamatan nongkon ini-Mu, ogoiaidon in gina inta moibog tumoindudui kon ini-Mu.

MAZMUR 42:9

Igumon mako ki Tuhan mopoontong in tabi-Nea kon tungkuḷ in singgai, sinbá kon tungkuḷ in doḷom mokopodondongdon in akuoi, bo mosambayang kon i Allah pangkoi in kobiaganku.

MAZMUR 25:5

Tundúdon bo kapitdon in akuoi kon mobiag podudui in koibog-Mu, sin Ikobí in ki Allah inta noposaḷamat kon inakó, akuoi in umuranbí mongamang kon ini-Mu.

IḶUAIAN 15:2

Ki Tuhan mototuḷungku inta moropot; Sia inta ain noposaḷamat kon inakó. Sia in ki Allahku, dayowonku in Sia, ki Allah sosumbaan in mogoguyangku, poḷantudonku in Sia.

MAZMUR 21:13

Popopiot-Neabí in mata in piot-Nea, dá momurow in mosia bo moḷagui.