MAZMUR 18:3 - Alkitab Singog In Mongondow Masa In Tanaa

³ Ki Tuhan in naonda bo dinding inta moropot pogogadopanku. Ki Allahku in naonda bo buḷud batu pononiunganku. Naonda bo kaḻeaw inoḻingoian-Nea in akuoi, bo noḷukad kon inakó sinbá umuran in akuoi moaman.

MAZMUR 18:3 Referans Kwoze

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

LUKAS 1:71

Sin in mopoposaḷamat kon i naton nongkon saturu mita naton bo nongkon kawasa in intau mita inta moyaat in gina kon i naton.

MAZMUR 145:3

Sin ki Tuhan in moḷantud bo totok in dinayow, koḷoḷoben-Nea in diábí kodoḷopan.

MAZMUR 62:8

Siabí in ki Allah inta nobogoi kon inakó in kasaḷamatan bo kahoromatan, Sia tua in mogogoḻiungku bo mododuḷuku inta moropot.

SAMUEL 2 22:4

Akuoi in nokuani kon i Tuhan inta patus dayowon, Sia in nopoḷuat kon inakó nongkon musungku mita.

MAZMUR 96:4

Sin Moḷobenbí in ki Tuhan, bo totokbí in dinayow, mustibí koondok moiḻiu kon bayongan in dewa.

MAZMUR 55:16

Biódon mako in musungku baḷúdon matoi bo kobia-biag moponag kon dunia in intau minatoi, sin aid inta moraat oyúon kon bonu in baḷoi monia, kon yua-yuak monia.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

NEHEMIA 9:5

Ibada kon singgai tua in pinangkoi in intau mita in Lewi inta noiduduimai naa: ki Yesua, ki Kadmiel, ki Bani, ki Hasabneya, ki Serebya, ki Hodia, ki Sebanya bo ki Petahya. Mosia in noguman, “Sindog bo dayowdon in ki Tuhan Allah naton! Podayowdon kon i-Nia modapot in mononoi! Dinayo-dayowdon in tangoi-Nea inta nopuḻing in kamuliaan, tangoi inta motoyang, noiḻiu kon bayongan dodayow!”

WAHYU 4:11

“O Tuhan, o Allah nami! Tongábí Iko in patus motarima kon dodayow, horomat bo kawasa. Sin Ikobí in nogaid kon bayongan in yagi-yagi, bo lantaranbí doman ibog-Mu dá bayongan in yagi-yagi tua ain nobaḻí bo nobiag.”

OUMAN IN RASUL MITA 2:21

Kon singgai tatua ki ine in mokuani kon tangoi i Tuhan mosia in posaḷamaton.’

MAZMUR 76:4

Kon tua irimumud-Nea in bayongan pakakat in parang, bayongan piot mopouḻi-uḻinag, kaḻeaw bo kedang.

MAZMUR 48:1

Mazmur in inanakan i Korah.

MAZMUR 3:4

Táe Iko, o Tuhan, in kaḻeaw inta mogoḻingoi kon inakó. Pinopountung-Mu in akuoi, bo iniyotonan-Mu in ginaku.

MAZMUR 31:4

Oo, Iko in naonda bo buḷud batu bo benteng inta moropot kon inakó! Kapitdon in akuoi podudui in dandi-Mu.

MAZMUR 62:3

Tongábí Sia inta nogoḻiung bo noposaḷamat kon inakó, Sia in mododuḷuku, diábí in akuoi motundan.

MAZMUR 71:3

Kobaḻídon kon inakó naonda bo buḷud batu pogogutunanku, inta diá moyoyigaku bayáan. Sin sinantú-Mudon kon moposaḷamat kon inakó, Ikobí in pogogadopan bo pononiunganku.

MAZMUR 91:2

in motaaubí in moguman kon i Tuhan, “Ikobí in mododuḷu bo mogogoḻingoiku, Allahku, Ikobí in pirisayaanku.”

MAZMUR 144:1

Nongkon i Daud. Dayowdon in ki Tuhan moḷoḷukadku! Sia in notundú kon inakó moropatoi, bo notundú kon inakó moparang.

YEREMIA 16:19

Tuhan, Ikobí in inta noḷukad kon inakó bo nobogoi in ropot kon inakó; Iko in notuḷung kon inakó kon dodai in nororiga. Bangusa mita nongkon popod in butá in mamangoibí kon ini-Mu bo moguman, “Mogoguyang nami in tongábí oyúon in ilah uboḷ inta totokbí in diá in mangaḻenea.