MAZMUR 18:15 - Alkitab Singog In Mongondow Masa In Tanaa

¹⁵ Sia in nopopiot in piot-Nea mita bo noporarit in musung; Sia in nopotampí in kilat nopobui-buimai, bo nodapot in mosia noḷagui.

MAZMUR 18:15 Referans Kwoze

MAZMUR 106:9

Podudui kon parenta-Nea Dagat in Gelagah noingkag, Sia in nodia kon umat-Nea minayá nongin dagat, naonda bo minaya-mayá nongin padang gurun.

IḶUAIAN 15:8

Dagat inirup-Mu, naonda bo pompang, nodapot in dagat motaaudon bayáan.

MIKHA 6:2

Ei buḷud mita, ei apad mita in butá, indongogaidon in onu pinotaau i Tuhan! Oyúon in pelekara-Nea takin Israel umat-Nea bo tuntuton-Neabí in mosia.

YEREMIA 31:37

Aka kuma kon singgai tobatú bo koukuran in ḷangit, bo apad in butá kotaridian, kon dodai intuata Israel in indoíon-Kudon popisí in bayongan in aid monia inta moraat. Akuoi, ki Tuhan, ain nosingog.”

MAZMUR 104:5

Pinoḻitú-Mu kinorigon in butá kon dodoyonannea, dá diábí modandú modapot in mononoi.

MAZMUR 76:6

Intau mita mobarani ain pinogagowan; mosia in noisiug bidon bo diádon mobangon bui. Tontara mita inta mongotorindog noinggamádon in ropotnea.

AYUB 4:9

Naonda bo deḷang, natuata in torú i Allah momutú kon i monia dapot in moyopú!

SAMUEL 2 22:16

Omonaganmai totok in dagat inontong bo aip in butá nobukat kon tungkuḷ in ki Tuhan nongguak kon musung-Nea takin torú.

MAZMUR 74:15

Iko in nopoiḻig in bokaká bo ongkag; ongkag inta moḷoben iningkagan-Mu.

DATU MITA 2 19:7

Baḻíonbí i Tuhan in ki datu Asyur tua mokidongog kon habar in tompot dá mobuidon in sia kon butánea tontaní, bo ḻimodon in sia kon tua.”

YUNUS 2:6

Akuoi in iḷumanduk noidapot kon apad in tombuḷud, kon dunia inta bonawangnea kinunsían modapot in singgai tumi. Dimukudku in moḷopídon totok kon bonu in awakku, bo kinotoropankudon bo nokuani kon ini-Mu. Dá noiyaputdon in sambayangku kon ini-Mu, kon bonu in Baḷoi-Mu inta mokudus. Bo pinopoponik-Mudon in akuoi nongkon bonu in dagat, o Tuhan Allahku!

YESAYA 11:4

Intau bogá ihakimnea kinoadil, intau inta diá kodaya dinuḷuannea takin gina motuḻid; intau kotaḷá ihukum podudui in parentanea, intau moraat iyompatnea.

YESAYA 30:33

Nongkon koḻipodpabímai ain sinadia in tampat potubáan kon i datu in Asyur. Tampat tatua modaḷom bo mooḷad, binonuan in kayu pondungú inta noyoguntuḷdon. Ki Tuhan in mopoyongkitdon intua pongin mopoirup in poginaan-Nea ná ongkag in balerang.

SAMUEL 1 7:10

Naonda in ki Samuel koyogot in noposumba in kuruban payongon tatua, intau in Pilistin nomangkoidon nonubu; táe kon dodai domandon tuata ki Tuhan nonggotup nongkon ḷangit kon tombutungonmai monia. Bo notombauk in mosia poḷat noḷagui posi bayá sin motoboḻingo.

AYUB 36:32

Sia in modomok kon kilat takin ḻima-Nea bo mopotabá monampí kon inta sinongkaná-Nea.

MAZMUR 77:18

Goḷom mopoḷabú in uyan, gotup mondoradá; kilat monampí magí mako.

MAZMUR 92:10

Kinotaauan nami in musung-Mu in yompatonbí, o Tuhan, bayongan in intau moraat in poraritonbí.

MAZMUR 144:6

Pogambatdon in kilat-Mu sinbá musung in ponangketon, popopiotdon in piot-Mu sinbá mosia modoḻiok.

ZAKHARIA 9:14

Ki Tuhan in mokipogontongbí kon umat-Nea, naonda bo kilat in piot-Nea mita pinoḷutam-Nea. Ki Tuhan Inta Totok in moḷantud in mogirupbí kon torompet tomponuot monubu bo mayá kon bonu in deḷang nongkon toḷatan.