MAZMUR 17:4 - Alkitab Singog In Mongondow Masa In Tanaa

⁴ Akuoi in nogaid kon onu inta pinoki aid-Mu bo diábí pinongin aid inta moraat.

MAZMUR 17:4 Referans Kwoze

PETRUS 1 5:8

Mokopoingatdon bo umuran pobasadia in moiko! Sin Ibilis inta saturumu in maya-mayá mako naonda bo singa inta sindaḷan moganggor motayak kon onu inta motaaunea kaanon.

KORINTUS 1 3:3

sin moiko tantúpabí doman dinumudui kon tabiatmu saḷaku intau. Sin aka oyúonpa doman in ointoian bo yogenggeng kon sigad monimu, yo mangaḻenea kon tua moiko in dumuduipabí kon tabiat in intau, ná intau inta diá nonotaau kon i Allah.

WAHYU 12:11

Dugú i Adí in Domba bo Habar Mopia nongkon i Allah inta pinotaau monia, tua in pinaké i utat mita naton nonaḷow kon inia. Mosia in diábí moondok in matoi.

YAKOBUS 1:18

Ibog-Neabí tontaní in nopobaḻí kon i naton ki adí-Nea mita pinongin Pirman-Nea inta nobanar. Tua komintan in pinomia-Nea sinbá kita in mokouḻí kon tampat inta moponting kon sigad in bayongan mahaḷuk inta pinomia-Nea.

EPESUS 6:17

Gamádon in kasaḷamatan saḷaku sapoyo uwaja, bo singog i Allah saḷaku pitow nongkon Roho i Allah.

YOHANES 17:17

Baḻí in mosia tongá kapunyaan i Amá pongin inta mobanar. Pirman i Allah tuata in mobanar.

MATIUS 4:10

Dá ki Yesus in notubag, “Bayádon iko, Ibilis! Sin aindon pinais nanaa: Iko in musti mosumba kon i Tuhan, ki Allahmu, bo tongábí Sia in motaau poibadaanmu!”

MATIUS 4:7

Dá ki Yesus in noguman kon inia: “Oyúon doman in pinais kon Buk Motusi: Donaaidon moiko monungkuḷ kon i Tuhan, ki Allahmu!”

MATIUS 4:4

Táe ki Yesus in notubag nanaa, “Oyúon pinais, ‘Intau deemanbí tongá mobiag in roti, táe mobiagbí doman in pirman inta siningog i Allah.’ ”

WAHYU 9:11

Oyúon datu nomarenta kon i monia, datu tatua in ki malaekat inta noḷukad kon irang in popatoi tangoinea aka kon bahasa Ibrani Ki Abadon; bo aka kon bahasa Yunani Ki Apolion (mangaḻenea “Momoguyaat”).

AYUB 31:33

Intau ibanea in mobunibí kon dosanea, táe diábí dodai in onda in akuoi nomia ná mosia.

AYUB 15:16

Apadoman intau inta moraat bo tangoinea in diádon mopia, inta nonginum kon moraat naonda bo tongá tubig.

KINOBAḺIAN 6:11

Táe bayongan intau ibanea komintandon moraat inontong i Allah, bo kobobiag inta moromú nobaḻídon kon bayongan in tampat.

KINOBAḺIAN 6:5

Inontong i Tuhan kon totokdon moraat in intau mita kon dunia naa; bayongan in raian monia umurandon moraat.

SAMUEL 1 26:9

Táe ki Daud in noguman, “Dikabí onuonmu in sia! Sinantú bidon i Tuhan kon hukumon-Neabí in intau inta mogaid kon moraat kon datu inta ain piniḻí-Nea.

SAMUEL 1 26:11

Poigumon mako ki Tuhan mongampag kon inakó in moḻimod kon datu inta ain piniḻí-Nea! Gamádon mako in pandongnea bo tampat in tubignea, bo mayádon in kita!”