MAZMUR 17:1 - Alkitab Singog In Mongondow Masa In Tanaa

¹ Sambayang i Daud. Indongogaipa kaasí in kuaniku mopoigum in inta moadil, taridiaipa kaasí in sambayangku inta motuḻid, o Tuhan.

MAZMUR 17:1 Referans Kwoze

MAZMUR 142:6

Akuoi in nokuani kon ini-Mu, o Tuhan, Ikobí in pogogadopanku, Tongábí Iko in paraḷuku kon kobiagan tanaa.

MAZMUR 61:1

Kon in itoi in mododondong. Pongin ito-itog kecapi. Nongkon i Daud.

YOHANES 1 3:21

Dá utatku mita inta kinotabiku, aka gina naton diá mopotaḷá kon i naton, yo kita in diábí moondok in mayá kon tayowon i Allah.

MATIUS 15:8

‘Nanaa in kai Allah: Intau mita tanaa moduí kon i-Nakó táe tongá kon bibig monia, sin gina monia in moyayú kon i-Nakó.

MAZMUR 145:18

Sia in modagin kon intau inta mokuani kon i-Nia, bo inta totu-totuu mopoigum kon i-Nia.

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

MAZMUR 142:1

Dondong totundú i Daud, kon tungkuḷ in sia kon bonu in angob.

MAZMUR 140:12

Biódon mako in intau inta moḻingá koantugan in bodito, dikadon pomayá mako in mopoponapud in uboḷ mogutun kon butá.

MAZMUR 86:1

Sambayang i Daud. Indongogaipa in sambayangku, o Tuhan, bo tubagaipa in akuoi, sin akuoi nobogá bo moyangkó.

MAZMUR 66:19

Táe inindongogandon i Allah in akuoi, sinaridiandon i Allah in oigumku.

MAZMUR 43:1

Ogoidon kon inakó in inta moadil, o Allah, duḷuaidon in hakku nongkon bangusa inta moraat. Poḷuatdon kaasí in akuoi nongkon intau moraat bo motombuḻitok.

MAZMUR 18:20

Sia in nopoḷuat kon inakó nongkon anib bo noposaḷamat kon inakó popisí in kinoibog-Nea in akuoi.

MAZMUR 7:8

Sipundon in bangusa mita kon diug-Mumai, bo kawasaaidon in mosia nongkon tampat pomomarentaan-Mu kon soroga.

TAWARIKH 2 7:15

Umuran-Kubí indoian in Baḷoi-Ku tanaa bo umuran moibog mokidongog kon bayongan in sambayang inta pinoyaput nongkon tampat tanaa.

MAZMUR 5:2

O Tuhan, indongogaipa kaasí in tosingogonku mita, taridiaipa in amuiku mita.

YOHANES 1:47

Inontong i Yesus in ki Natanael namangoi, dá ki Yesus in noguman nanaa soaḷ ki Natanael tua, “Indoiai, tua in intau in Israel motuḻid, diábí in uboḷ kon ginanea!”

MAZMUR 18:44

Pinoḷuat-Mu in akuoi kon inanakan inta moraat, bo binaḻí-Mu in akuoi mongongawasa kon bangusa mita; bangusa inta diá kinotaauanku in nobaḻí bobantungku.

NEHEMIA 1:6

Indoiaipa in akuoi o Tuhan, bo indongogaipa in sambayang inta pinoyaputku kon ini-Mu singgai doḷom sin kopontingan in umat Israel, mogogundoi-Mu tua. Akuonku kon kami, umat in Israel, ain binaradosa; akuoi bo mogoguyangku mita ain binaradosa doman.

YEREMIA 3:10

Naonda in nogaid kon tua mita, Yohuda inta diá mosatia tua nobui kon i-Nakó táe tongá ki ubo-uboḷmai, sin ginanea in diábí notuḻid. Akuoi, ki Tuhan, ain nosingog.”

SAMUEL 2 22:24

Kinotaauan-Nea kon akuoi naa in diá kotaḷá bo iyumayú nongkon inta noitaḷá.

AYUB 16:17

Táe diábí in akuoi nogaid kon inta moraat; noniata kon motuḻidbí in sambayangku kon i Tuhan.

MAZMUR 54:4

Indongogaidon in oigumku, o Allah, indongogaipa kaasí in tosingogonku mita.

MAZMUR 55:18

Singgai doḷom mogamui bo mongombaḷ in akuoi, bo dinongog-Nea in singogku.

MAZMUR 61:2

Indongogaipa kaasí in kuaniku, o Allah, taridiaipa in sambayangku.

MAZMUR 84:9

Indongogaipa kaasí in sambayangku, o Tuhan Allah Inta Totok in mokawasa, indongogaipa, o Allah Yakub.

MAZMUR 86:6

Taridiaipa in sambayangku, o Tuhan, indongogaipa in kuaniku mopoigum in totuḷung.

MAZMUR 88:3

Igumon mako sambayangku moiyaput kon ini-Mu, indongogaipa kaasí in kuaniku.

MAZMUR 102:2

O Tuhan, indongogaipa kaasí in sambayangku, biódon mako kuaniku modapot kon ini-Mu.

MAZMUR 143:1

Mazmur i Daud. O Tuhan, indongogaipa kaasí in sambayangku, indoiaipa kaasí in oigumku. Tubagaipa in akuoi podoyon kon kososatia-Mu, tubagaidon in sambayangku podoyon kon kooadil-Mu.