MAZMUR 16:7 - Alkitab Singog In Mongondow Masa In Tanaa

⁷ Akuoi in modayow kon i Tuhan inta nononggina kon inakó; kon dodai in doḷom ginaku mobogoi in totundú kon inakó.

MAZMUR 16:7 Referans Kwoze

MAZMUR 73:24

Kinapit-Mu in akuoi in tonggina, bo sinarima-Mu in akuoi takin horomat kon singgai moiduduimai.

YESAYA 50:4

Ki Tuhan Inta Totok in moḷantud in notundú kon inakó nosingog, sinbá tosingogonku in mokoropot kon intau inta noḷungkoyó. Pomuḷoi in doḷo-doḷom pomuká-Nea in ibog in ginaku sin mokidongog kon totundú-Nea kon inakó.

MAZMUR 77:6

Iraiku kon singgai mita inta ain kinotaḻiban, toro-toroponku bo tano-tanobonku in taong mita inta ain kinotaḻiban.

MAZMUR 17:3

Aka ujion-Mu in ginaku bo mamangoi monaridi kon inakó kon dodai in doḷom, yo mouḻí-Mubí kon motuḻid in ginaku; onu in siningogku noitombutungbí kon onu in iraiku.

MAZMUR 63:6

Dayowonku in Iko takin giow pia in gina, sin Iko in mopoorop in dimukudku naonda bo kaanon inta mopia in nanamnea.

YESAYA 48:17

Guman i Allah mokudus in Israel, Mopoposaḷamatmu, “Akuoibí in ki Tuhan Allahmu, inta notundú kon inimu onu in baraguna kon inimu, bo nodia kon inimu mongin daḷan inta musti bayáanmu.

YESAYA 26:9

Dimukudku in mokotanob kon ini-Mu kon dodai in doḷom, ginaku in mogoḷat mako kon ini-Mu kon dodai in doḷo-doḷom. Aka Iko in monisig kon dunia naa, intau mita kon dunia naa in monotaaudon kon onu inta moitutui.

AMSAL 8:14

Akuoibí inta nopogonú in raian. Bo akuoi doman in nomaḻí kon inia. Akuoi in mopandoi bo moropot doman.

MAZMUR 119:55

Kon dodai in doḷom kotoropanku in Iko, o Tuhan, hukum-Mu in umuranbí kadaianku.

YEREMIA 17:10

Akuoi, ki Tuhan monaridi kon gina, bonu in dodob in intau ujion-Ku kon batúan in intau tuḻían-Ku podudui in dodianea, bo aidan-Ku podudui in oaidnea.”

LUKAS 6:12

Wakutu intua ki Yesus notakod kon buḷud sin mayá mosambayang. Sia in nosambayang kon tua tonggobiita.

WAHYU 2:23

Dumoduduinea mita in ḻimodon-Kubí doman sinbá kotaauandon in bayongan jamaat kon Akuoibí naa in Sia inta nonotaau kon raian bo gina intau. Bo moiko in tuḻían-Kubí podudui in aid monimu tontaní.

MAZMUR 119:7

Aka balajaronku in pinononantú-Mu inta moadil, akuoi in modayow kon ini-Mu takin ḻimbatú in gina.

MAZMUR 119:148

Kinoouput in doḷom moḷukad mako in akuoi, sin monano-nanob kon totundú-Mu.

MAZMUR 77:2

Noḷangon in pinokokuaniku kon i Allah; noḷangon in kuaniku, bo inindongogan-Nea in akuoi.

MAZMUR 22:2

Allahku, o Allahku, Nongonu sin sinaḷáan-Mubimai in akuoi? Akuoi in nokuani, táe Iko in umuranbí noyayú bo diá notuḷung kon inakó.

YEREMIA 12:2

Pinomuḷa-Mu in mosia naonda bo mobobiag mita, bo mosia in monguakat, mobiag, bo momungai. Mosia in umuranbí mosingog kon inta mongopia soaḷ Iko, táe kon bonu in gina, sabanarnea in mosia in diábí in pandungnea kon ini-Mu.

MAZMUR 73:21

Kon tungkuḷ in moyaat in ginaku bo naonda bo tura-turakon,