MAZMUR 15:1 - Alkitab Singog In Mongondow Masa In Tanaa

¹ Mazmur i Daud. Tuhan, ki ine in motaau mogutun kon Ḷoḷaigan-Mu bo umutun kon tombuḷud-Mu inta motusi.

MAZMUR 15:1 Referans Kwoze

MAZMUR 84:4

Nodapot in ḷagapan dui-duit nokouḻí kon baḷoi bo ḷagapan tansibí in nokouḻí kon pugad, tampat pogogukatan monia kon i adínea kon diug in mezbah-Mu, o Tuhan Inta Totok in mokawasa, Datuku bo Allahku.

MAZMUR 61:4

sin Ikobí in mogogoḻiungku, poḷoḷukadan inta moropot nongkon musungku.

MAZMUR 92:13

Intau motuḻid in monubu naonda bo pangkoi in kurma, bo mobiag moḷumbá naonda bo pangkoi in ḷokuyú in Libanon.

MAZMUR 23:6

Kinotaauanku kon Iko in mopiabí totok kon inakó, bo umuranbí motabi kon inakó. Dá motaaubí in akuoi mogutun kon Baḷoi-Mu kinoouput in kobiaganku.

IBRANI 12:22

Tongá aka moiko namangoidon in Buḷud Sion bo kotá i Allah inta nobiag, tuata in Yerusalem inta kon soroga takin ribuan malaekat-Nea.

YOHANES 17:24

Amá, ibogon-Ku, sinbá mosia inta ain inogoi i Amá kon i-Nakó in moyotakin-Ku doman kon tampat inta bayáan-Ku, sinbá koontongandon monia in kamuliaan-Ku, inta ain inogoi i Amá kon i-Nakó. Sin Akuoi in kinotabi i Amá kon wakutu in dunia naa diápa pinomia.

MAZMUR 3:4

Táe Iko, o Tuhan, in kaḻeaw inta mogoḻingoi kon inakó. Pinopountung-Mu in akuoi, bo iniyotonan-Mu in ginaku.

MAZMUR 2:6

Kai-Nia, “Kon Sion buḷud-Ku inta motusi aindon dinuí-Ku datu inta piniḻí-Ku.”

WAHYU 14:1

Noidudui kon tua inontongku in ki Adí in Domba sinimindog kon tudu in Buḷud Sion. Kotaki-takinnea oyúon in 144.000 intau inta kon pogot monia ain pinaisan in tangoi-Nea bo tangoi i Amá-Nea.

YOHANES 14:3

Naonda in Akuoi mayádon moposadia in tampat kon i monimu, Akuoi in buibí mamangoi monontomu kon i monimu, sinbá kon onda in Akuoi, kon tua doman i moiko.