MAZMUR 149:4 - Alkitab Singog In Mongondow Masa In Tanaa

⁴ Ki Tuhan in moibog kon umat-Nea; pinountung-Nea in intau inta moompá in dodia.

MAZMUR 149:4 Referans Kwoze

MAZMUR 147:11

Mopia in gina i Tuhan kon intau inta motoguondok, kon intau inta umuran mongamang mako kon tabi-Nea.

PETRUS 1 3:4

Táe, ḷambáaibí bonu in gina monimu in ḷambá inta diá mogogu-goguyaat, tuata in budi inta mopia bo moonow in raian. Tuabí in ḷambá moḷunat inta kinoibog i Allah.

MAZMUR 35:27

Igumon mako intau inta moibog moindoimai kon inakó in ogoi in monggiow bo mopoḷunganga in gina. Igumon mako mopobui-buimai in mosia in moguman, “Totuubí kon moḷantud totok in ki Tuhan! Ibogon-Nea sinbá mosaḷamatbí in mogogundoi-Nea!”

MAZMUR 132:16

Imangnea mita in mopoontongbí in kasaḷamatan nongkon i-Nakó; umatnea in modondongbí bo monggiow pia in gina.

MAZMUR 22:8

Bayongan inta nokoontong kon inakó, noempeng kon inakó, noruit kon bibig bo nomombiḻing.

ZEPANYA 3:17

Moiko in iḷukadan i Tuhan Allahmu inta motorindog. Moiko in mountung popisí in kawasa-Nea. Mopia bo moḷunganga in gina i Tuhan sin moiko, kon bonu in tabi-Nea moiko in mobiag mobagu.

YEREMIA 32:41

Mopiabí in gina-Ku in mopoaid kon inta mopia kon i monia, bo mopobaḻí kon i monia mogutun motantú kon butá tanaa modapot in mononoi.

MAZMUR 117:2

Sin moḷobenbí in tabi Tuhan kon inaton kososatia-Nea in umuranbí mononoi. Dayowdon in ki Tuhan!

YESAYA 61:10

Yerusalem in noguman, “Moḷunganga in ginaku popisí in ki Tuhan, ginaku in mosanang sin ki Allah. Naonda bo nonikaan ḷoḷaki bo bobay nopogiḷambá in inta mongogaga, natuata in pinopopaké i Tuhan kon inakó ḷambung kasaḷamatan bo kountungan.

AMSAL 11:20

Ki Tuhan in doíbí kon intau inta gina moraat, táe Sia in motabibí kon intau inta nobiag diá in bogit.

MAZMUR 90:17

O Tuhan Allah nami, barakataipa in kami, sinbá bayongan in oaidan nami oyúon in bungainea.

PETRUS 1 5:5

Ná doman tua, utatku mita inta nongomudapa, mokopotoindudui kon guyanga mita. Moiko in musti mokopoompá kon dodia bo moibog doman mosibantungan sin kon Buk Motusi ain pinais nanaa: “Ki Allah in mohukum kon intau inta mokaḷakuang, táe motabibí kon intau inta moompá in dodia.”

IBRANI 12:10

Aka guyanga naton kon dunia naa in motundú yo noterbatasbí sin tongábí onu inta inanggap monia mopira. Táe aka ki Allah in motundú yo tua in kopiaanbí naton tontaní. Sinbá kita in mokouḻí doman kon silai inta mopia nongkon i-Nia.

WAHYU 7:14

Dá tubagku kon inia: “Diábí kinotaauanku, ki Tuangbí in nonotaau kon tua.” Dá sia in noguman bui kon inakó: “Mosia naa in intau mita inta nosaḷamatdon nongkon roriga inta moḷoben, bo ain binatáan monia kinobudó in jubah monia kon bonu in dugú i Adí in Domba tatua.

DONDONG MOḶANTUD 1:11

Pogaidan nami kon ḷambá buḷawan in iko, manik-manik doman mita nongkon saḷaka.