MAZMUR 147:19 - Alkitab Singog In Mongondow Masa In Tanaa

¹⁹ Sia in nopotaau in koyow-Nea kon umat-Nea, atorang bo hukum-Nea kon umat inta piniḻí-Nea.

MAZMUR 147:19 Referans Kwoze

MALEAKHI 4:4

Toropdon in topotundú mita i Musa mogogundoi-Ku, torop in hukum bo parenta mita inta inogoi-Ku kon inia kon Buḷud in Sinai sinbá duduian in bayongan in umat in Israel.

MAZMUR 78:5

Kon bangusa in Israel inogoi-Nea in hukum-Nea, bo kon buí i Yakub in parenta-Nea. Sia in nopotabá kon mogoguyang naton motundú kon tua kon i adí mita monia,

ULANGAN 5:31

Táe iko, Musa, pobuidon mangoi bo pogutundon takin-Ku kon naa; iko in pobogoian-Ku kon bayongan hukum bo parenta-Ku. Tundúdon kon i monia, sinbá duduian monia intua kon butá inta ogoi-Ku kon i monia.’

ULANGAN 5:22

Tuata in parenta mita inta inogoi i Tuhan kon i monimu kon tungkuḷ in moiko noyosipun kon buḷud. Kon dodai in sia nosingog noropot totok nongkon tuḷú bo goḷom inta mobunod, Sia nobogoi in parenta mita tatua, bo deemanbí ibanea mako. Bo pinais-Nea kon batu tulis doyowa bo inogoi kon inakó.”

ULANGAN 4:1

Bo ki Musa noguman kon bangusa tatua, “Duduiaidon komintan in hukum inta tundúonku kon inimu, sinbá mobiag in moiko bo moiutun kon butá inta bain ogoi i Tuhan, Allah in mogoguyangmu, kon inimu.

SURAT I PAULUS KON JAMAAT RUM 9:4

Mosia tua in intau inta piniḻí bo binaḻí-Neadon ki adí-Nea mita tontaní. Sia in noponiatadon in kawasa-Nea kon i monia. Sia in nomia kon dodandian takin i monia bo nobogoi in hukum in agama. Pinoguman domandon i Allah kon i monia in soaḷ pooibada bo mosia in notarima domandon kon dandi mita i Allah.

SURAT I PAULUS KON JAMAAT RUM 3:2

Mobayongbí totok in baragunanea! Muna-munamai, lantaranbí kon intaubí in Yahudi naa in pinopopirisayaan i Allah in singog-Nea mita.

MAZMUR 103:7

Sia in moponiata in tomayá-Nea kon i Musa bo oaid-Nea mita kon bangusa in Israel.

MAZMUR 76:1

Kon i itoi in mododondong. Takin ito-itog kecapi. Mazmur i Asap. Dondong.

ULANGAN 4:45

Tua inaidannea naonda in mosia iḻumuai nongkon Mesir bo naonda in kon ḷopá kon dotá in pomukaan kon Ongkag in Yordan, noyogintayow in kotá in Bet-Peor. Butá tatua pernabí nobaḻí butá in Sihon, datu intau in Amori, inta tungkuḷ intua nomarenta kon kotá in Hesybon. Ki Musa bo bangusa Israel nonaḷow kon inia kon dodai in mosia iḻumuai nongkon Mesir.

ULANGAN 4:8

Bo bangusabí moḷoben táonda in oyúon hukum mita inta námai tua in kooadil ná hukum mita inta sinundúku kon i monimu singgai naa?

ULANGAN 6:1

“Ki Tuhan Allahmu in nopotabá kon inakó motundú kon bayongan hukum tanaa kon inimu sinbá aidan monimu kon butá inta diádon moonggot bo bayáan monimu pogutunan.

EZRA 7:6

Ki Ezra in intau tobatú inta nosikoḷa bo nobayong in kinotaauannea in soaḷ Hukum inta inogoi i Tuhan, Allah in Israel kon i Musa. Popisí in ki Ezra binarakatan i Tuhan Allahnea, dá ki datu in nobogoi kon inia in bayongan inta pinoigumnea. Kon taong impitunea kon pinomarentaan i Datu Artahsasta, nobuatdon in ki Ezra nongkon Babel bo minayá in Yerusalem noyotakin in topaanan in intau Israel inta imang mita, intau in Lewi, mododondong bo moḷoḷukad kon ngara kon Baḷoi Tuhan, bo mogogaid mita.

YEHEZKIEL 20:11

Kon tua inogoi-Ku kon i monia in parenta-Ku mita bo sinundú-Ku in hukum-Ku mita inta musti duduian monia, sin intau inta dumudui kon tua in umuranbí mobiag.

HOSEA 8:12

Akuoi in nomais kon nobayong totok in totundú kon i monia, táe tua komintan dinoí monia sin inanggap monia kon diábí in yoguputnea takin i monia.