MAZMUR 147:15 - Alkitab Singog In Mongondow Masa In Tanaa

¹⁵ Sia in nomarenta kon butá, bo tosingogon-Nea ḷagidon aidan.

MAZMUR 147:15 Referans Kwoze

AYUB 37:12

Goḷom mita in ḷumayug kon sinangkub in dunia, podudui in parenta i Allah kon i monia mayá in bayongan tampat.

TESALONIKA 2 3:1

Naa doman in poigumonku kon i monimu Utat mita, tantú sambayangai in kami. Sinbá habar nongkon i Tuhan in umuran potaau magí-mako bo tarimaan domandon takin pia in gina ná pinototarima monimu koḻipod.

MATIUS 8:13

Nopaḷut mako nosingog kon tua, ki Yesus in noguman kon porwira tatua, “Pobuidon, onu inta pinirisayamu tatua in mobaḻí bidon kon inimu.” Dá kon dodaipa doman tatua bobantungnea nopia.

MAZMUR 107:25

Podudui in parenta-Nea nogirupdon in deḷang bo noponomburádon kon bokoḷ mita.

MAZMUR 107:20

Sia in nongundam kon i monia pinodoyon kon parenta-Nea, bo nopoḷagui kon i monia nongkon bubú in poḷoḷobongan.

MAZMUR 68:11

Bo umat-Mu in nogutun kon tua; kon bonu in kopopia-Mu, o Allah, Iko in noḷukad kon intau nobogá.

MAZMUR 33:9

Sin Sia in nosingog, bo bayongan yagi-yagi binaḻí; Sia in nomarenta, dá bayongan yagi-yagi nooyúon.

YUNUS 1:4

Ki Yunus in minayá in tampat inta kon ḻimonagan totok bo inumuḻid kon tua, bo nosiug noḷoḷot. Noiduduimai kon tua pinoangoidon i Tuhan in tompot moropot kon dagat, bo nobaḻídon in bokoḷ inta totok in motoyang, inta nondangat kon kapaḷ tatua dá gogiódon bo morimumud. Intau mita in kapaḷ nongoondokdon totok bo nomaḷúdon mokituḷung, kon batúannea mokituḷung kon dewanea-dewanea. Tobatú daya monggaat kon anib moitaḷom, mosia in noḷumbú kon datog in kapaḷ in kapaḷ tatua kon bonu in dagat.

AYUB 34:29

Aka ki Allah in monantúdon kon tongá kibio-biómai, diábí tobatúmai in intau mokobaḻí mosingog kon i-Nia. Aka mogadop in Sia, diábí tobatúmai intau in mokouḻí kon i-Nia.