MAZMUR 145:6 - Alkitab Singog In Mongondow Masa In Tanaa

⁶ Mosia in mopotaa-taaubí mako in aid-Mu mita inta motoyang, koḷoḷoben-Mu in pobaḷúku.

MAZMUR 145:6 Referans Kwoze

HABAKUK 2:14

Táe naonda bo dagat inta nopuḻing in tubig, yo natua doman in butá in mopuḻingbí in sinotaau soaḷ ki Tuhan bo kawasa-Nea.

MAZMUR 113:3

Nongkon pomukaan modapot in toyopan tangoi i Tuhan in mustibí dayowon.

YEREMIA 50:28

Intau mita inta noḷagui minayá in Yerusalem nongkon Babel nongonguman kon naonda in ki Tuhan Allah naton notuḻí kon pinogogaid in intau in Babel kon Baḷoi Tuhan.)

MAZMUR 66:3

Pogumandon kon i Allah, “Totuu mokoherang onu in inaidan-Mu! Musung tumungkud kon ini-Mu takin iḻibutan in ondok, sin totuubí moḷoben in kawasa-Mu.

MAZMUR 22:31

Bui mita moiduduimai in mosumbabí kon i Tuhan, Sia in umuranbí popotaau kon bayongan in adí bo ompu.

MAZMUR 22:27

Inta nobiag nobogá in mongaanbí modapot in mobotug; intau inta mamangoi kon i Tuhan in modayowbí kon i-Nia. Igumon mako moiko in umuran mobiag motompia modapot in mononoi!

EZRA 1:2

“Naa in parenta i Kores, datu in Persia. Ki Tuhan, Allah inta nongawasa kon soroga ain nomaḻí kon inakó datu kon sinangkup in dunia, bo nopotabá kon inakó moposindog in baḷoi kon i-Nia kon Yerusalem kon butá in Yohuda.

ULANGAN 32:3

Akuoi in modayow kon tangoi i Tuhan. Potaaudon in kokokawasa i Allah naton!

TAWARIKH 1 29:11

Iko in totuu moḷoben, bo nongawasa. Iko in momulia, ponango-nangoian bo moagung. Bayongan in yagi-yagi kon ḷangit bo kon butá Ikobí in kitogi. Iko in Datu Moḷoben, pongawasa kon bayongan in yagi-yagi.