MAZMUR 145:2 - Alkitab Singog In Mongondow Masa In Tanaa

² Pomuḷoi in singgai akuoi moibog mopoyaput in sukur kon ini-Mu, bo mopomulia kon ini-Mu modapot in mononoi.

MAZMUR 145:2 Referans Kwoze

WAHYU 7:15

Manangka intua mosia in sinimindog kon tayowon pomomarentaan i Allah, bo moibada kon i-Nia doḷom bo singgai kon bonu in Baḷoi Allah. Bo Sia inta iḻimitú kon tudu in tampat pomomarentaan tatua in mamangoi kon yua-yuak monia bo mogoḻiung kon i monia.

MAZMUR 71:6

Kinoouput in kobiaganku akuoi in kumadai kon ini-Mu; Iko in nogoḻingoi kon inakó pinangkoi kon akuoi pinononggadí dá akuoi in umuranbí modayow kon ini-Mu.

MAZMUR 119:164

Akuoi in tantúbí mopoyaput in sukur kon ini-Mu, sin hukum-Mu inta moadil.

MAZMUR 72:15

Mobiagdon in ki Tuang datu! Igumon mako kon inia ogoian in sosumba buḷawan nongkon Arab. Igumon mako sia in sambayangan pomuḷoi mako bo umuran barakatan.

TAWARIKH 1 16:37

Onda intua ki Datu Daud nonantúdon kon i Asap bo intau mita in Lewi ibanea kon umuran monompia kon soaḷ mita inta noyotogot in ibada kon tampat inta pinotagúan kon Poti Dodandian i Tuhan. Muḷoi in singgai mosia in mustibí mopobayá in oaidan monia kon tua,

MAZMUR 96:2

Podondongdon kon i Tuhan bo dayowdon in Sia; pomuḷoi in singgai potaa-taaudon mako in habar mokosanang kon Sia in noposaḷamatdon kon inaton.

MAZMUR 146:2

Akuoi in moibog modayow kon i Tuhan kon kinoouput in kobiaganku bo modondong kon i Allahku kon dodai in oyúonpa in akuoi.