MAZMUR 145:10 - Alkitab Singog In Mongondow Masa In Tanaa

¹⁰ Bayongan inta binaḻí-Mu in modayowbí kon ini-Mu, o Tuhan, bayongan in umat in mopoyaputbí in sukur kon ini-Mu.

MAZMUR 145:10 Referans Kwoze

MAZMUR 19:1

Kon i itoi in mododondong. Mazmur i Daud.

MAZMUR 103:22

Dayowdon in ki Tuhan, ei bayongan in inta binaḻí-Nea kon sinangkub in butá inta kinawasa-Nea. Dayowdon ki Tuhan, ei dimukudku!

PETRUS 1 2:9

Táe moiko nion in bangusa inta kinopiḻían, imang mita inta mobantung kon datu, bangusa inta mokudus, umat inta kapunyaan i Allah. Ain piniḻí bo inoiní i Allah in moiko iḷumuai nongkon sindip bo mayá tumuot kon bayag-Nea inta momulia, takin makusud bá moiko in mopotaa-taau mako in habar in bayongan inta pinomia i Allah inta diá in poḻiuan tua.

PETRUS 1 2:5

Moiko nion in batu mita inta nobiag. Tuamai moiko in musti moibog pakéon pobaḷoi kon baḷoi i Allah inta kon soroga. Takin natua moiko in mobaḻí imang mita inta nobiag tongádon kon i Allah, bo inta pinongin i Yesus Kristus noposumba kon i Allah in kuruban inta mokosanang kon gina-Nea.

IBRANI 13:15

Tuamai potonsigad naton kon i Yesus, kita in musti umuran modayow kon i Allah; tua in nobaḻí kuruban sukur naton kon i-Nia, inta pinosumba naton pinongin singog in bibig sin mopomulia kon tangoi-Nea.

YESAYA 44:23

Porogiowdon moḷunganga, ei ḷangit, porogiowdon, ei bonu in butá! Porogiowdon takin ḷunganga in gina, ei buḷud mita! Natua doman in kayuon bo bayongan in pangkoi in kayu kon bonunea! Sin ki Tuhan in nopoontongdon in kamuliaan-Nea pinongin notobut kon Israel umat-Nea.

MAZMUR 104:24

Totuu mobayong in mia-Mu, Tuhan, komintanbí pinomia-Mu takin mobijaksana; butá in nopuḻing in aid-Mu.

MAZMUR 97:12

Pokosanangdon, ei intau mita inta motuḻid in gina popisí in onu inta ain inaidan i Tuhan, bo posukurdon kon i Allah inta motusi.

MAZMUR 68:26

Kon dotá in muna unaan in mododondong, kon dotá in tumi takinan in mopogogitog mita in kecapi; kon yua-yuak in mongodeaga mita mobobongkug kon rebana; nanaa in dodondong monia:

MAZMUR 32:11

Ei intau mita motoḷutui, pokosanangdon bo pokoḷungangadon sin onu inta ain pinomia i Tuhan Porogiowdon takin pia in gina, ei bayongan in intau inta motuḻid in gina!

MAZMUR 30:4

Iko in nopomiḷagui kon inakó nongkon dunia in intau minatoi, bo nomiag bui kon inakó nongkon sigad in intau mita minatoi.

MAZMUR 22:23

Aid-Mu in oumanonkubí kon i utatku mita; kon bonu in poyodungkuḷan in umat-Mu akuoi in modayow kon ini-Mu.

MAZMUR 30:5

Podondongdon in dondong dodayow kon i Tuhan, ei umat inta motoindudui, bo posukurdon kon i Inta Totok in motusi.

MAZMUR 57:9

Ei pobangondon, in dimukudku! Ei pobangondon, gambus bo kecapi! Akuoi in moibogbí mopobangon kon mata in singgai.

MAZMUR 69:35

Dayowdon in ki Allah, ei ḷangit bo butá, dagat bo bayongan in mahaḷuk kon bonunea.

MAZMUR 149:5

Biódon mako in umat i Allah in mopia in gina popisí in koḷoḷoben in kawasa-Nea, bo modondong takin ḷunganga in gina kinoouput in doḷom.