MAZMUR 141:4 - Alkitab Singog In Mongondow Masa In Tanaa

⁴ Poyayúdon in akuoi kon ibog mogaid kon inta moraat. Dikabí pomayá mako in akuoi in moyokapung in intau moromú bo mongaan moyotakin kon bobutungan monia.

MAZMUR 141:4 Referans Kwoze

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

MAZMUR 119:36

Ogoiaidon in akuoi in ibog dumudui kon atorang-Mu, moiḻiu kon ibog mobaḻí mooyúon.

YESAYA 63:17

O Tuhan, nongonu sin pinomayá-Mubí mako in kami moiḷaḻe? Nongonu sin Iko in mopotogatbí in gina kon inami nodapot in kami in diádon moondok kon ini-Mu? Pobuidon mangoi popisí in mogogundoi-Mu mita, Popisí in umat-Mu, kapunyaan pusaka-Mu.

KORINTUS 2 6:17

Manangka intua, taḷaaidon in intau mita inta diá nonotaau kon i Allah, bo pokopoyayúdon in moiko kon i monia. Donaaidon moibog moḻiai kon onu inta diá mopia, aka natua in moiko, yo tarimaan-Kubí.

KORINTUS 1 15:33

Donaaibí koakaḷan! Yoyobayatan inta diá mopia in mokogoguyaat kon tabiat inta mopia.

DATU MITA IMITÁNEA 8:58

Igumon mako in baḻíon-Nea in kita intau mita inta mosatia kon i-Nia sinbá kita in umuran mobiag podudui in ibog-Nea bo motoindudui kon bayongan in hukum bo parenta inta ain inogoi-Nea kon mogoguyang naton.

YAKOBUS 1:13

Bo aka tobatú intau kinotungkulan, yo dikabí in sia mosingog nanaa, “Godaan tanaa nongkon i Allahbí,” sin ki Allah in diábí kogodaan in inta moraat, bo diábí doman in Sia mosoba kon tobatúmai intau.

KORINTUS 1 10:31

Onukabí in aidan monimu – pinomayá kaanon ande inumon – yo aidaibí komintan takin mopoyaput in sukur kon i Allah.

WAHYU 18:4

Bo akuoi in nokodongog kon singog ibanea nongkon soroga noguman nanaa, “Ḷuaidon, umat-Ku! Ḷuaidon nongkon bonunea! Sinbá moiko in diádon dumudui mogaid kon dosanea mita, bo moitakin motanggung kon hukumannea!

ULANGAN 29:4

Táe dapot in tanaa mako diápa inogoi-Nea in moiko momangaḻe kon bayongan inta kinorasaan monimu tatua.

DATU MITA IMITÁNEA 22:22

‘Naonda in podondouḷugmu?’ ki Tuhan in noḻibó. Dimukud tatua in noguman, ‘Mayá in akuoi bo baḻíonku sinbá bayongan in nabi i Ahab in monguboḷ.’ Ki Tuhan in noguman, ‘Mopia, aidaidon intua, kodondouḷuganmubí in sia.’ ”

ULANGAN 2:30

Tongá diábí inogoi i datu in Sihon in kita nongin butánea. Pinotontogat i Tuhan Allahmu in ginanea sin makusud-Nea bá taḷowon naton in sia. Dá butánea tatua umuranpa doman iḻitúan naton dapot in tanaa mako.

PINOGIAPAN 25:2

Bobay mita tatua nonongganut kon i monia mayá in bobutungan kuruban sin mohoromat kon i ilah monia. Intau mita in Israel sinumakin doman nokaan kon kaanon kuruban tatua bo nosumba doman kon ilah intau in Moab.

KINOBAḺIAN 27:14

Dá minayádon in ki Yakub nogamá kon bembé mita tatua bo dinianea kon i inánea, bo dinungúdon i Ribka podudui kon inta kinoibog i Ishak.

DATU MITA IMITÁNEA 13:8

Nabi tatua in notubag, “Umpakabí ogoi i tuang datu kon inakó in tongobotak in kaoyúonan i tuang datu, yo akuoi in doíbí mayá mongaan andeka monginum moyotakin i tuang datu.

MAZMUR 28:3

Dikabí moyompat kon inakó poyotakinon in intau moromú, moyotakin in intau inta nogaid kon inta moraat. Mopia in potosingog monia, táe gina monia in nopuḻing in moraat.