MAZMUR 140:3 - Alkitab Singog In Mongondow Masa In Tanaa

³ Mosia in monomayá kon inta moraat kon bonu in gina, bo pomuḷoi in singgai mokopomuká kon bobayowan.

MAZMUR 140:3 Referans Kwoze

MAZMUR 58:4

Intau moraat ain noiḷaḻe pinangkoipamai kon bonu in bobuḷadían mosia in nongakaḷdon pinangkoipamai kon pinononggadí.

KORINTUS 2 11:3

Táe moḻia-ḻiawpa in ginaku sin dika-dika bo moitabat in raian monimu bo diádon motoindudui kon i Kristus, naonda bo ki Hawa koḻipod inta kinoakaḷan in uḷag.

AMSAL 23:32

Ikoḷom doḷo-doḷom iko in mokorasa kon naonda bo ain sinobak in uḷag mobisa.

MATIUS 12:34

Ei moiko buí inta moromú, naondabí in moiko motaau mosingog kon soaḷ mita inta mopia aka moiko tontaní in mogaid doman kon inta diá mopia? Sin onu siningog in bibig tuabí doman inta iḷumuai nongkon bonu in gina!

YEREMIA 9:5

Mosia komintan mosi uboḷan, diá in mosingog kon inta totuu. Bibignea in nobiasadon monguboḷ mosia in diá mokosanggup in monaḷámai kon dosanea. Aid inta moraat kodugang-kodugang aid uboḷ kodugang-kodugang doman tua in umuran aidan monia, mosia in totokbí in mondoí kon i Tuhan.

YEREMIA 9:3

bo umuran mosadia monguboḷ. Kon sinangkub in butá, inta mobanar diádon nongawasa, nodapot in aid diá mojujur noibaya-bayádon mako. Ki Tuhan in noguman, “Umat-Ku in nogaidon kon inta moraat diádon mogoga-gogai, diádon ináku monia in Akuoi nobaḻí Allah monia.”

MAZMUR 57:4

Nongkon soroga Sia in motubag bo moposaḷamat kon inakó; Sia in nonaḷow kon intau mita inta mondorot kon inakó. Poontongbí i Allah kon Sia in mosatia kon inakó, bo umuranbí motabi kon inakó.

YESAYA 59:13

Kami in nonguboḷdon bo nomarontak kon i Tuhan, bo doí dumudui kon i Allah nami. Kami in nondorotdon kon intau ibanea bo nobaḷui in raian; raian nami in noiḷaḻedon, bo tosingogon mita nami in uboḷ.

AMSAL 12:18

Tongá kino singo-singognea in mokotompaḻí kon gina naonda bo turakon in pitow; tosingogon mita mobijaksana in naonda bo undam inta mokopia.

KINOBAḺIAN 3:13

Ki Tuhan Allah in noḻibó kon bobay tatua, “Nongonu sin inaidanmubí intua?” Tubagnea, “Akuoi inuboḷan in uḷag tatua, sahingga in kinaanku bungai in kayu tatua.”

MAZMUR 59:7

Kon dodai in ḷoḷabungneadon mobui in mosia, mogoob naonda bo ungkú sindaḷan moḻibu kon kotá.

AMSAL 6:14

Raiannea inta moraat nopuḻing in tomayá moraat bo mokopomuká kon rogenggeng kon bayongan in tampat.

OMBAḶ 3:62

Mosia in mongonguman kon soaḷ akuoi kinoouput in singgai. Sinbá mobodito in akuoi dá nomia in mosia tomayá moraat.