MAZMUR 139:11 - Alkitab Singog In Mongondow Masa In Tanaa

¹¹ Aka poigumonku sinbá sindip moikoḷubung kon inakó, bo bayag kon diugkumai mobaḻí modoḷom,

MAZMUR 139:11 Referans Kwoze

AYUB 12:22

Sinimbayagan-Nea in tampat mita inta nodingungui; sinindaran-Nea in oḻinow mita inta morondí bo mosindip.

YEREMIA 23:24

Diábí tobatúmai in mokopogadop kon i-Nakó, sin Akuoi in oyúonbí kon bayongan tampat: kon soroga bo kon dunia.

MAZMUR 94:7

Guman monia, “Ki Tuhan in diábí nokoontong kon tua, ki Allah i Yakub in diábí nonaridimai kon tua.”

YESAYA 29:15

Moboditodon in intau inta moḷongasi mobuni kon tomayánea kon i Tuhan! Mogaid in mosia takin umuni-uni, bo kai monia kamai diábí tobatúmai in nokoontong andeka nonotaau kon onu inta ain inaidan monia.

DATU MITA IMITÁNEA 3:20

Noonggot kon doḷom kon dodai in akuoi nosiug, sia in nobangon bo nogamá kon adíku mointok inta kon diugku. Adíku mointok tatua inukatnea kon tosiugannea, bo adínea mointok inta ain minatoi tua in inukatnea kon tosiuganku.

AYUB 34:22

Diábí in sindip, umpakabí mopungit totok, in mokobuni kon intau baradosa.