MAZMUR 135:5 - Alkitab Singog In Mongondow Masa In Tanaa

⁵ Sin kinotaauanku kon ki Tuhan in totuubí kon moḷoben, Sia in moḷantud noiḻiu kon bayongan in dewa.

MAZMUR 135:5 Referans Kwoze

MAZMUR 97:9

Sin Iko, o Tuhan, mongongawasa in sinangkub in butá; Iko in moḷantud noiḻiu kon bayongan in dewa.

MAZMUR 95:3

Sin ki Tuhan in ki Allah inta moḷantud, Datu inta motorindog inta nonigad kon bayongan in dewa.

MAZMUR 48:1

Mazmur in inanakan i Korah.

ULANGAN 10:17

Ki Tuhan Allahmu noiḻimonik kon bayongan in ilah bo noiḻiu kon bayongan in kawasa. Sia in Allah inta moḷoben bo mokawasa inta musti duduian. Sia in doíbí tongá momiḻí bo doí doman Sia uboḻian.

DANIEL 3:29

Tuamai in akuoi in momarenta kon bayongan in intau nongkon bangusa, inanakan andeka bahasa onuka, inta moningkuḻe kon i Allah inta sinumba i Sadrakh, i Mesakh bo i Abednego, yo pongko-pongkóonbí bo baḷoinea in umpagon bo baḻíon bonturungan in apug. Sin diábí in dewa in mokoaid kon onu inta inaidan i Allah tatua.”

YESAYA 40:25

Ki ine in inanggapmu notombatangan i Allah Inta Totok in mokudus? Ki ine i popotongkaianmu kon i-Nia?

YESAYA 40:22

Inta nomaḻí in nomarenta kon tudu in butá noḻimbatu, intau mita inta nogutun kon dunia naa in ontongon mongointok naonda bo pangkoḷá. Sia in nosongká kon ḷangit naonda bo daing, bo nopoatop naonda bo ḷoḷaigan sin pogutunan.

MAZMUR 89:6

Mogogutun mita kon soroga modayow kon aid-Mu mita inta mokoherang, bo mopodondong in kososatia-Mu, Tuhan.

MAZMUR 147:5

Totuubí kon moḷoben bo motoyang in ki Tuhan naton, kobobijaksana-Nea in diábí in imbuitnea.