MAZMUR 134:2 - Alkitab Singog In Mongondow Masa In Tanaa

² Tonggó in ḻimamu potundú ná tampat motusi, bo dayowdon in ki Tuhan!

MAZMUR 134:2 Referans Kwoze

MAZMUR 28:2

Indongogaipa in oigumku aka akuoi momaḷú mokituḷung, bo mopotundú in ḻimaku kon Baḷoi-Mu inta motusi.

TIMOTIUS 1 2:8

Ibogonku kon ondakabí, yo bayongan in ḷoḷaki musti mosambayang takin gina motuḻid, diá in yogenggeng ande bobayowan.

MAZMUR 63:4

Tabi-Mu in mobara-baraguna nongkon mobiag, tuamai akuoi in modayow kon ini-Mu.

MAZMUR 141:2

Tarimapa in sambayangku saḷaku sosumba kamania, bo ḻimaku inta noiyopa saḷaku kuruban doḷom.

OMBAḶ 2:19

Pobui-buidon pobangon in tonggobii tua sin momaḷú moguman kon onu in kon bonu in dodobmu kon i Tuhan. Poigumdon sinbá angoian in tabi in Sia kon i adímu mita inta gogoyon bo inta sinogopuḷong kon bayongan in pobeukan in daḷan.

MAZMUR 63:2

O Allah, Ikobí in ki Allahku, tayakonku bo kotanobanku in Iko. Naonda bo butá noḷogat inta morogang in tubig, natuata in rogangku kon ini-Mu.

MAZMUR 26:6

Sinomokanku in ḻimaku nobaḻí tomponuot kon diá kotaḷá, bo minayá noḻibu kon mezbah-Mu, o Tuhan,

NEHEMIA 8:6

Ki Ezra in noguman, “Dinayo-dayowdon in ki Tuhan, Allah inta moḷoben!” Bayongan in rayat notonggó kon ḻima kinoḷantud bo notubag, “Amin, amin!” Bo mosia in sinumungkud nosumba kon i Allah.

MAZMUR 63:5

Kinoouput in kobiaganku akuoi mopoyaput in sukur kon ini-Mu; tonggóonku in ḻimaku kon ini-Mu poḷat mosambayang.