MAZMUR 133:2 - Alkitab Singog In Mongondow Masa In Tanaa

² Naonda bo ḷana mobondu inta koboḻi inta pinobutak kon uḷu i Harun, bo notait monag kon krak in ḷambungnea.

MAZMUR 133:2 Referans Kwoze

IMAMAT 8:12

Nopaḷut mako kon tua ki Musa nomaḻídon imang kon i Harun takin nopobutak in ḷana upacara topiḻik kon uḷu i Harun.

IḶUAIAN 29:7

Bo gamádon in ḷana pakéon kon upacara, pobutak intua kon uḷunea bo ḷoḷubuai in ḷana in sia.

AMSAL 27:9

Ná doman ḷana mobondu bo inta bo mongobondu ibanea mako mokosanang kon gina, natua doman in kopopia in yobayat mokoonow kon gina.

IḶUAIAN 39:24

Kon ḻibu-ḻibu in bingkínea mita kon dotá in ḻimonag pinomiaan kon ḷambá ná bungai in delima inta pinomia nongkon kaeng linen moaḷus bo wol nobidu, nokamumu bo nopura, bo pinoyoḻimban in giring-giring buḷawan, podudui in parenta i Tuhan kon i Musa.

YOHANES 12:3

Noiduduimai kon tua, ki Maria in namangoi takin kodia-dia in ḷana mobondu narwastu inta totok in momahaḷ in boḻinea degá tobotakmai in liter. Pinopobutaknea in ḷana tatua kon sioḷ i Yesus, onda intua iradatannea bui in buoknea. Dá tombonu in baḷoi tatua nobondudon in bo ḷana tatua.

DONDONG MOḶANTUD 1:3

Iko in mobondu totok, tangoimu naonda bo ḷana mobondu inta noibutak; tuamai mongodeaga mita moibog kon inimu!

MAZMUR 141:5

Aka intau mopia monoboḷow kon inakó bo takin gina motuḻid mosambok kon inakó, tua in naonda bo ḷana inta totok in mopia kon inakó. Igumon mako in diá indoíonku intua, sin akuoi in umuran mosambayang monayow kon aid monia moraat.

IḶUAIAN 28:33

Kon bingkínea inta kon dotá in ḻimonag musti pomiaan kon ḷambánea ná bungai in delima inta nongkon wol nobidu, nokamumu bo nopura bo giniring-giringan buḷawan inta pinoyotaḻempang.

IḶUAIAN 30:35

Pakédon intua komintan pogaid mobaḻí dupa inta mobondu. Dugangai doman in simuton sinbá dupa tatua umuran momurni bo motaau pakéon posumba kon i-Nakó.