MAZMUR 132:7 - Alkitab Singog In Mongondow Masa In Tanaa

⁷ Igai mayá in kita kon tampat pogogutunan i Tuhan, bo mosumba kon i-Nia kon tayowon in pomomarentaan-Nea.

MAZMUR 132:7 Referans Kwoze

MAZMUR 99:5

Poḷantudon in ki Tuhan Allah naton, dokódon kon tayowon in pomomarentaan-Nea. Mokudusbí in Sia!

MAZMUR 5:7

Yopúon-Mu in intau mita inta moibog monguboḷ. Mopopak bo moḷoḻimod mobú in Iko in mokoontong.

OMBAḶ 2:1

Ki Tuhan in nogaid kon bonu in torú, Sion in inangkuban-Nea in sindip. Kamuliaan in Israel inta ná koḷantud in ḷangit, ain pinogonag-Nea kon butá. Kon dodai in ki Tuhan sinumorú, baḷoi-Nea kon Sion diá bidon pinandung-Neamai.

MAZMUR 122:1

Dondong i Daud kon dodai in mayá in Baḷoi Tuhan. Mopia in ginaku kon tungkuḷ in intau moguman kon inakó, “Igai in kita mayá in Baḷoi i Tuhan!”

MAZMUR 118:19

Pobukataidon in akuoi kon ḷoḻingkop in ngara in Baḷoi Tuhan, sinbá tumuot in akuoi bo mopoyaput in sukur kon i-Nia.

YESAYA 2:3

mosia komintan in moguman, “Igai in kita mayá motakod kon Buḷud i Tuhan, mayá in baḷoi Allah in Israel. Sia in motundúbí kon i naton onu in musti aidan naton. Kita in dumuduibí kon daḷan-Nea, sin totundú i Tuhan in mamangoi nongkon Yerusalem, Sia in mosingog nongkon Sion.”

MAZMUR 95:6

Koḻigai in kita dumokó mosumba kon i-Nia, tumungkud kon tayowon i Tuhan, inta nomaḻí kon inaton.

MAZMUR 99:9

Poḷantudon in ki Tuhan Allah naton, bo sumbadon in Sia kon buḷud-Nea inta motusi, sin mokudusbí in ki Tuhan Allah naton.