MAZMUR 132:5 - Alkitab Singog In Mongondow Masa In Tanaa

⁵ kon dodai in diápa moposadia in baḷoi kon i Allah i Yakub, pogogutunan i Tuhan Inta Totok in moropot.”

MAZMUR 132:5 Referans Kwoze

EPESUS 2:22

Popisí in nobiag notobatú i Kristus, dá moiko doman in koyogot posindogon moyotakin in intau mita ibanea, mobaḻí tobatú baḷoi kon i Allah; inta pogutunan in Roho-Nea.

TAWARIKH 2 2:6

Táe sabanarnea in diábí tobatúmai in intau in mokotongod in moposindog in baḷoi kon i Allah, sin bayongan in toḷungayá naa in diá tugat in ḷobennea pobaḷoian sin pogutunan-Nea. Dá Baḷoi Tuhan inta koposindoganku naa in diá bo diá in tongábí tampat pototubáan kon dupa kon i Allah!

TAWARIKH 1 22:7

Guman i Daud kon i Salomo, “Adíku, noonggotdon in akuoi nokoiniat moposindog in baḷoi tobatú sin mohoromat kon i Tuhan Allahku.

YESAYA 66:1

Ki Tuhan in noguman, “Ḷangit in ḷoḻitúan-Ku pomarentaan, bo butá in tosindogan-Ku. Dá baḷoibí naonda in posindogonmu kon i-Nakó, bo tampat onu in pomiaanmu sin pogutunan-Ku?

TAWARIKH 1 15:12

Guman i Daud kon i monia, “Moiko in itoi in inanakan kon bonu in suku Lewi. Tuamai, musti in moiko bo intau mita in Lewi ibanea mopotusi in awak sinbá motaau momamping kon Poti Dodandian i Tuhan, Allah in Israel, kon tampat inta ain sinadiaku.

TAWARIKH 1 15:3

Dá ki Daud in nogoiní kon bayongan in intau Israel namangoi kon Yerusalem sin momamping kon Poti Dodandian i Tuhan pobayá in tampat inta ain sinadianea.

DATU MITA IMITÁNEA 8:27

Tongá, o Allah, totuu degá kon Iko in mogutun kon butá naa? Umpaka ḷangit inta námai tua in kobanat bo kooḷadnea yo diábí tugatan kon ini-Mu, apapa doman baḷoi inta pinosindogku tanaa!

SAMUEL 2 6:17

Poti in Dodandian tatua in inukat kon tampatnea kon bonu in ḷoḷaigan inta pinosindog i Daud sin pogukatan kon Poti tatua. Onda intua ki Daud noposumba in kuruban dodamean kon i Tuhan.

SAMUEL 2 7:1

Ki Tuhan in noḷukad kon i Datu Daud nongkon bayongan in tuyayow in musung, dá sia in motaaudon umuran motantú kon bonu in komaḻignea.

DATU MITA IMITÁNEA 8:17

Noiduduimai kon tua ki Salomo in nosingog, “Ki amáku ki Daud ain nonomayá kon moposindog in baḷoi pososumbaan kon i Tuhan Allah in Israel.

TAWARIKH 1 28:2

Ki Daud in sinimindog kon tayowon monia bo noguman, “Utatku mita inta tongobangusaku, indongogaipa! Noonggotdon in niatku moposindog in baḷoi tobatú sin potagúan kon Poti Dodandian, pomomuntukan i Tuhan Allah naton. Akuoi in nosadiadon kon moposindog in baḷoi tobatú tampat pososumbaan kon i-Nia.