MAZMUR 132:2 - Alkitab Singog In Mongondow Masa In Tanaa

² Dikabí kaasí koḻiongan in sumbanea kon ini-Mu Tuhan, bo dandinea kon ini-Mu Inta Totok in moropot, Allah i Yakub.

MAZMUR 132:2 Referans Kwoze

KINOBAḺIAN 49:24

Táe kokaḷ i Yusup umuran motorindog, umuran moropot in piotnea, sin kawasa I Gombala Inta totok in moropot, ki Allah i Yakub, in Mogogoḻiung in Israel.

MAZMUR 65:1

Kon i itoi in mododondong. Mazmur i Daud. Dondong.

YESAYA 60:16

Iko in biagonbí in bangusa mita bo in datu mita, naonda bo iná tobatú momiag kon i adínea. Dá kotaauanmudon kon Akuoibí in Tuhan, Mopoposaḷamatmu, bo ki Allah in Israel inta moropot in Mopopoḷuatmu.

YESAYA 49:26

Baḻíon-Kubí in musungmu moḷoḷangu in dugú, dá mosia in mosiḻimodandon. Dá bayongan in intau in monotaaudon, kon Akuoi, ki Tuhan, Mopoposaḷamatmu; Inta Totok in moropot, ki Allah i Yakub, in Mototobutmu.”

MAZMUR 132:5

kon dodai in diápa moposadia in baḷoi kon i Allah i Yakub, pogogutunan i Tuhan Inta Totok in moropot.”

MAZMUR 119:106

Inta dinandiku pinodoyon kon ibot in intompodankubí, kon kumadai kon atorang-Mu inta moadil.

MAZMUR 56:12

Akuoi in mopirisaya kon i-Nia, dá diábí in akuoi moondok, intau in diábí mokopongonu kon inakó.

MAZMUR 50:1

Mazmur i Asap. Tuhan, Allah Inta Totok in mokawasa, nosingog; Sia in nomaḷú kon sinangkub in butá nongkon pomukaan nodapot kon toyopan.

MAZMUR 46:11

Kai-Nia, “Pogogaidon moparang; pokotaaudon, Akuoi naa in Allah, Akuoi in momulia kon sigad in bangusa mita, momulia kon sinangkub in butá.”

SAMUEL 2 7:1

Ki Tuhan in noḷukad kon i Datu Daud nongkon bayongan in tuyayow in musung, dá sia in motaaudon umuran motantú kon bonu in komaḻignea.

SAMUEL 2 7:2

Dá nogumandon in ki datu kon i Nabi Natan, “Indoiai, akuoi in nogutun kon komaḻig inta pinomia nongkon kayu ḷokuyú in Libanon, bokaka Poti in Dodandian i Allah in tongábí sinagú kon bonu in ḷoḷaigan!”

TAWARIKH 1 28:2

Ki Daud in sinimindog kon tayowon monia bo noguman, “Utatku mita inta tongobangusaku, indongogaipa! Noonggotdon in niatku moposindog in baḷoi tobatú sin potagúan kon Poti Dodandian, pomomuntukan i Tuhan Allah naton. Akuoi in nosadiadon kon moposindog in baḷoi tobatú tampat pososumbaan kon i-Nia.