MAZMUR 132:11 - Alkitab Singog In Mongondow Masa In Tanaa

¹¹ Ki Tuhan in nongibotdon kon i Daud; Sia in diábí monginggamá kon dandi-Nea. Guman-Nea, “Ki adímu tobatú in baḻíon-Kubí datu sin momarenta monoḻiu kon inimu.

MAZMUR 132:11 Referans Kwoze

SAMUEL 2 7:12

Kon singgai moiduduimai, aka wakutumudon matoi, bo iko in ḷobongon kon pinoḷobongan kon mogoguyangmu, ki adímu ḷoḷaki in duíon-Ku mobaḻí datu. Siadon tua in momia kon baḷoi kon i-Nakó. Dodatuan-Nea in irigonan-Ku bo kon kinoouputbí in dunia naa tobatú buínea in momarenta mobaḻí datu.

MAZMUR 110:4

Takin ibot ki Tuhan ain nodandi, diábí gamáan-Nea bui, “Ikobí in imang modapot in mononoi, naonda bo ki Melkisedek.”

OUMAN IN RASUL MITA 2:30

Sia naa in tobatú nabi inta nonotaau kon ki Allah aindon nodandi pinodoyon kon ibot kon inia kon oyúon in buínea in baḻíon i Allah Datu.

TAWARIKH 2 6:16

Iko in nodandi domandon kon i amáku kon aka buínea in totu-totuu motoindudui kon hukum-Mu ná sia, dá mononoibí in intau tobatú nongkon buínea in momarenta mobaḻí datu in Israel. Tanaa, o Tuhan Allah in Israel, intompodaidon doman in bayongan inta ain pinodandi-Mu kon i amáku ki Daud, mogogundoi-Mu tua.

IBRANI 6:18

Doyowa nopasaḷ tatua in diábí mobaḷu-baḷui: Totuuonbí i Allah in dandi bo ibot-Nea tatua. Sia in diábí monguboḷ. Manangka intua kita inta umuran umoḻiung kon i-Nia, umuran-Nea inogoian in ropot bá umuran kumadai kon onu inta i harap mako kon tayowon naton.

LUKAS 1:32

Sia in mobaḻí intau moḷoben bo tangoion ki Adí i Allah Inta Totok in moḷantud. Baḻíon i Allah in Sia Datu naonda bo ki Daud ki ḷaki-Nea.

MAZMUR 89:37

Ḷoḻitúannea in umuranbí oyúon kon bonu in oyúonpa in mata in singgai, modapot in adí bo ompu in mongawasa kon tua.

MAZMUR 89:35

Dodandian-Ku takinnea in diábí inggamáan-Ku, nongkon bayongan in dandi-Ku yo diábí tobatúmai in gamáan-Ku bui.

MAZMUR 89:33

yo mosia in hukumon-Ku in sambok popisí in iḻimimpatdon, bo popoumaan-Ku in bodito popisí in dosanea mita.

DATU MITA IMITÁNEA 8:25

Iko in nodandi domandon kon i amáku kon aka buínea totu-totuu motoindudui kon ini-Mu ná sia, dá umuranbí oyúon in intau tobatú nongkon buínea in mobaḻí datu kon Israel. Tanaa, o Tuhan Allah in Israel, intompodaidon komintan in bayongan inta ain pinodandi-Mu kon i amáku ki Daud, mogogundoi-Mu tua.

SAMUEL 2 7:16

Iko in umuranbí mokouḻí kon buí, bo baḻíon-Kubí in dodatuanmu tantú moisindog mako. Kinoouputbí in dunia naa intau tobatú nongkon buímu in momarenta mobaḻí datu.’ ”

SAMUEL 2 7:14

Akuoi in mobaḻí ki Amánea, bo sia in mobaḻí ki adí-Ku ḷoḷaki. Aka mogaid in sia kon inta moitaḷá, yo hukumon-Ku in sia ná guyanga ḷoḷaki mohukum kon i adínea.

SAMUEL 1 15:29

Inta Momulia ki Allah in Israel in diábí monguboḷ bo diábí doman momanasaḷ, sin Sia in deemanbí intau.”

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

DATU MITA IMITÁNEA 1:48

bo nosambayang, ‘Dinayo-dayowdon in iko, o Tuhan, Allah inta sinumba in umat Israel. Singgai in naa intau tobatú nongkon buíku aindon dinuí-Mu nobaḻí datu nonoḻiu kon inakó. Bo akuoi in inogoian-Mupa in kobiagan noindoi kon tua!’ ”

TAWARIKH 2 7:18

dá intompodan-Kubí in dandi-Ku kon i amámu ki Daud kon umuranbí oyúon in intau nongkon buínea in mobaḻí datu kon Israel.

MAZMUR 89:5

‘Ḷoḻitúan pomomarentaanmu in ḷukadan-Ku modapot in mononoi, modapot in ki adí bo ki ompumu in ḻimitú kon tua.’ ”