MAZMUR 130:8 - Alkitab Singog In Mongondow Masa In Tanaa

⁸ Sia in mopoḷuatbí kon i naton nongkon bayongan in taḷá naton.

MAZMUR 130:8 Referans Kwoze

LUKAS 1:68

“Dinayo-dayowdon in ki Tuhan, ki Allah Israel! Sia ain notuḷung kon umat-Nea bo nonginggamá doman kon roriga monia.

TITUS 2:14

Sia tuata inta ain noposarakan in awak-Nea sin mopoḷuat kon i naton nongkon bayongan inta moraat, bo kita in baḻíon-Nea tobatú umat inta noiḷuatdon nongkon kawasa in dosa bo tongádon mobaḻí umat-Nea inta morajing mogaid kon inta mopia.

SURAT I PAULUS KON JAMAAT RUM 6:14

Dosa in diá bidon mongawasa kon i monimu, sin moiko in diádon nobiag kon bonu in kawasa in hukum agama in Yahudi, táe kon bonu bidon kawasa in totabi Allah.

MATIUS 1:21

Sia in mopononggadí in adí ḷoḷaki bo Sia tangoianmu ki Yesus, sin Sia tuata inta moposaḷamat kon umat mita baradosa.”

YESAYA 44:22

Taḷámu in buntunon-Ku naonda bo goḷom, dosamu in untunon-Ku naonda bo topuot. Pobuidon mangoi kon i-Nakó, sin iko in pinoḷuat-Kudon!”

YEREMIA 33:8

Akuoi in mondaritbí kon i monia nongkon dosa mita inta ain inaidan monia kon i-Nakó; dosa mita bo aid moraat monia in ampungan-Kubí.