MAZMUR 130:3 - Alkitab Singog In Mongondow Masa In Tanaa

³ Aka umuran toropon-Mu in dosa nami, o Tuhan, ki inebí in mokotongod?

MAZMUR 130:3 Referans Kwoze

MAZMUR 143:2

Akuoi naa in mogogundoi-Mu, dikabí monisig kon inakó, sin diábí in intau in diá kotaḷá in kon tayowon-Mu.

MAZMUR 76:7

Bayongan in kabaḷo bo tumotakoinea noḷabú minatoi in guak-Mu, o Allah Yakub!

WAHYU 6:17

Singgai inta totok mokoondok moiangoidon, bo mosia in mulaidon tumorú, bo diábí doman tobatúmai intau mokosanggup tumayow mako kon i monia!”

AYUB 10:14

Iḷukadan-Mu in akuoi dika-dikabo mogaid kon noitaḷá sinbá diá ogoian-Mu in pongampungan.

MALEAKHI 3:2

Táe ki ine in mokotongod kon singgai ki Tuhan mamangoi mokipogontong in awak-Nea? Sin Sia in naonda bo tuḷú in mononontaḷ kon logam, bo naonda bo sabong in momomatá.

NAHUM 1:6

Ki ine in mokotongod aka ki Tuhan tumorú? Diábí in moipaḷuput nongkon torú-Nea! Sia in moponiata in torú-Nea inta modokot batu in morimumud bo mobaḻí ḷobud kon tayowon-Nea.

YESAYA 53:6

Kita komintan in noiḷangkam naonda bo domba, kon batúannea notayak kon daḷannea-daḷannea. Ki Tuhan ain nopouma kon inia in bayongan aid naton inta moraat.

AYUB 15:14

Degá intau in totokbí in diá kotaḷá? Motaau degá in sia pobanaron kon tayowon i Allah?

AYUB 9:20

Akuoi in motoindudui bo diá nogaid kon dosa, táe bibigku naonda bo moguman kon inta noyoposi kon tua; pomuḷoi in singog inta momuká kon bibigku, naonda bo mopotaḷá kon inakó.

ULANGAN 9:27

Toropbí in bobantungmu mita ki Abraham, ki Ishak bo ki Yakub, bo dikadon indoianmai in dodia motontogat in gina, raat bo dosa in bangusa tanaa.

EZRA 9:15

Tuhan, Allah in Israel Iko in moadil, umpaka natua pinomayá-Mubí mako in kami in nobiag. Kami in mongaku kon taḷá nami kon ini-Mu; diádon in kami mokobaḻí in tumayow kon ini-Mu.”