MAZMUR 128:5 - Alkitab Singog In Mongondow Masa In Tanaa

⁵ Igumon mako nongkon Sion ki Tuhan in momarakat kon inimu. Igumon mako iko in mokoontong kon kobiagan motomoman kon Yerusalem kon bonu in iko mobiagpa!

MAZMUR 128:5 Referans Kwoze

MAZMUR 134:3

Igumon mako nongkon Sion barakatan in moiko i Tuhan, inta nomaḻí kon ḷangit bo butá!

MAZMUR 20:2

Igumon mako ki Tuhan in motubag kon inimu kon dodai in koantugan in roriga, igumon mako kawasa i Allah i Yakub moḷukad kon inimu!

MAZMUR 118:26

Binarakatandon in sia inta namangoi pinodoyon kon tangoi Tuhan, barakatan nami in moiko nongkon Baḷoi Tuhan.

YESAYA 33:20

Indoiaidon in kotá in Sion, tampat poramean naton kon singgai mita in agama. Indoiaidon in Yerusalem! Totuu moaman in tampat tatua pogutunan, naonda bo ḷoḷaigan inta diá kon dodai in onda in pinamping, patoknea in diá kon dodai in onda in irabut bo tontogotnea in diá kon dodai in onda in nobontow.

EPESUS 1:3

Dinayo-dayowdon in ki Allah, ki Amá i Tuhan naton ki Yesus Kristus! Sia ain nobogoi in barakat kon i naton, barakat rohani kon bonu in soroga, sin kita ain notobatú i Kristus.

YESAYA 2:3

mosia komintan in moguman, “Igai in kita mayá motakod kon Buḷud i Tuhan, mayá in baḷoi Allah in Israel. Sia in motundúbí kon i naton onu in musti aidan naton. Kita in dumuduibí kon daḷan-Nea, sin totundú i Tuhan in mamangoi nongkon Yerusalem, Sia in mosingog nongkon Sion.”

MAZMUR 122:6

Posambayangdon kon kotompiaan in Yerusalem: “Igumon mako bayongan in intau inta moibog kon inimu in motompia.

MAZMUR 135:21

Dayowdon in ki Tuhan kon Sion, kon Yerusalem tampat pinogutunan-Nea. Dayowdon in ki Tuhan!

MAZMUR 20:3

Igumon mako potabá-Nea mangoi in mototuḷung nongkon Baḷoi-Nea, bo motuḷung nongkon Tombuḷud in Sion.