MAZMUR 128:1 - Alkitab Singog In Mongondow Masa In Tanaa

¹ Dondong mayá in Baḷoi Tuhan. Pia in kamang in intau inta motoguondok bo nobiag noidudui kon parenta i Allah.

MAZMUR 128:1 Referans Kwoze

MAZMUR 119:1

Pia in kamang in intau inta nobiag diá in bogit bo notoindudui kon hukum mita i Tuhan.

MAZMUR 112:1

Dayowdon in ki Tuhan! Pia in kamang in intau inta motoguondok, inta moibog in parenta mita i Tuhan.

LUKAS 1:50

Sia umuran mobogoi in totabi-Nea kon bayongan intau inta moondok kon i-Nia.

MAZMUR 103:13

Naonda bo tabi i amá kon i adínea mita, natuata in tabi i Tuhan kon intau inta motoguondok.

OUMAN IN RASUL MITA 9:31

Dá bayongan in jamaat kon Yudea, Galilea bo Samaria komintan nopia in gina. Takin totuḷung in Roho i Allah, bo takin doman toguondok kon i Tuhan, bayongan in jamaat koropot-koropotdon bo kodugang-kodugang domandon in kobayongnea.

MAZMUR 147:11

Mopia in gina i Tuhan kon intau inta motoguondok, kon intau inta umuran mongamang mako kon tabi-Nea.

MAZMUR 127:1

Dondong i Salomo. Aka deeman ki Tuhan in noposindog in baḷoi, yo diábí in mangaḻe in mogogimoknea mita mogaid. Aka deeman ki Tuhan in moḷukad kon kotá, yo diábí in mangaḻe in poḷukadan in moḷoḷukad.

MAZMUR 115:13

Sia in momarakatbí kon intau mita inta motoguondok, pinomayá mointok andeka moḷoben.

TESALONIKA 1 4:1

Pangabisannea uḻe utat mita, naa in poigumon nami takin tonggina kon i monimu inta pinodoyon kon kawasa i Tuhan Yesus, sinundúdon bo ain inontong monimu kon inami naonda in kobobiag podudui kon inta mokosanang kon gina i Allah. Moiko in nobiag bidon natua, táe tanaa pinodoyon kon kawasa i Yesus, kami in mopoigum totok kon i monimu bo mokiramuji sinbá totu-totuudon in moiko mogaid kon tua komintan!

MAZMUR 103:17

Táe ki Tuhan in umuranbí motabi kon intau inta motoguondok, kopopia-Nea in modapotbí kon adí bo ompu

MAZMUR 125:1

Dondong mayá in Baḷoi Tuhan. Intau inta mopirisaya kon i Tuhan, in naonda bo Tombuḷud in Sion inta moroton diábí kotundanan, bo motahang modapot in mononoi.

MAZMUR 120:1

Dondong mayá in Baḷoi Tuhan. Kon bonu in susaku akuoi mokuani kon i Tuhan, bo Sia in notubag kon inakó.

MAZMUR 119:3

Pia in kamang in intau inta nobiag podudui in ibog i Tuhan, bo diá nogaid kon moraat.

LUKAS 1:6

Kobobiag inayadua motonibuḷoi tua mokosanang kon gina i Allah, sin taya dua in umuranbí dinumudui kon parenta bo atorang i Tuhan, diábí in sinaḻiban monia.

MAZMUR 121:1

Dondong mayá in Baḷoi Tuhan. Akuoi in inimindoi kon buḷud mita, nongkon onda in totuḷung kon inakó?

MAZMUR 124:1

Dondong i Daud kon dodai in mayá in Baḷoi Tuhan. Naonda degá aka kuma bo ki Tuhan diá dumotá kon i naton? Ei Israel, tubagaidon nanaa:

MAZMUR 103:1

Nongkon i Daud. Dayowdon ki Tuhan, ei dimukudku, ḻimbatú in ginaku, dayowdon in tangoi-Nea inta mokudus.

MAZMUR 126:1

Dondong mayá in Baḷoi Tuhan. Kon tungkuḷ in ki Tuhan nopoguḻí bui in kaadaan Yerusalem, kita in naonda bo sinogoindop!

MAZMUR 81:13

Tuamai in pinomayá-Kudon mako in mosia motogat in gina; biódon mako in mosia in dumudui kon ibog monia tontaní.

MAZMUR 123:1

Dondong mayá kon Baḷoi Tuhan. Akuoi in iḷumangag kon ini-mu o Tuhan inta nomarenta kon soroga.

MAZMUR 122:1

Dondong i Daud kon dodai in mayá in Baḷoi Tuhan. Mopia in ginaku kon tungkuḷ in intau moguman kon inakó, “Igai in kita mayá in Baḷoi i Tuhan!”

ULANGAN 28:3

Barakatan in kotá mita bo gobámu mita.

SAMUEL 2 22:22

Akuoi in dinumudui kon parenta i Tuhan, bo diá nomaḷong nongkon i Allahku.