MAZMUR 126:1 - Alkitab Singog In Mongondow Masa In Tanaa

¹ Dondong mayá in Baḷoi Tuhan. Kon tungkuḷ in ki Tuhan nopoguḻí bui in kaadaan Yerusalem, kita in naonda bo sinogoindop!

MAZMUR 126:1 Referans Kwoze

HOSEA 6:11

Soaḷ moiko, ei intau in Yohuda, Sinantú-Ku domandon in wakutunea mohukum kon i monimu popisí in oaidmu.”

YOËL 3:1

Ki Tuhan in noguman, “Kon singgai tatua Yerusalem bo Yohuda in poguḻiton-Ku in kobiagannea motompia.

MAZMUR 85:1

Kon i itoi in mododondong. Mazmur i inanakan i Korah.

OUMAN IN RASUL MITA 12:9

Bo dinumudui in ki Petrus kon malaekat tatua iḷumuai nongkon ponjara tatua. Táe diábí kinotaauannea kon onu inta inaidan malaekat tatua in totu-totuubí nobaḻí. Kainia kamai dá tongábí ná oyúon in noiḷabotmai kon matanea.

MAZMUR 120:1

Dondong mayá in Baḷoi Tuhan. Kon bonu in susaku akuoi mokuani kon i Tuhan, bo Sia in notubag kon inakó.

MAZMUR 123:1

Dondong mayá kon Baḷoi Tuhan. Akuoi in iḷumangag kon ini-mu o Tuhan inta nomarenta kon soroga.

MAZMUR 53:6

Intau moraat in totokbí in angoian in ondok, bokaka diábí in mokoondok, sin ki Allah in moporaritbí in tuḷan in intau inta nongopung kon i monimu; mosia in kinodoídon i Allah, dá taḷowonbí monimu in mosia.

MAZMUR 125:1

Dondong mayá in Baḷoi Tuhan. Intau inta mopirisaya kon i Tuhan, in naonda bo Tombuḷud in Sion inta moroton diábí kotundanan, bo motahang modapot in mononoi.

MAZMUR 124:1

Dondong i Daud kon dodai in mayá in Baḷoi Tuhan. Naonda degá aka kuma bo ki Tuhan diá dumotá kon i naton? Ei Israel, tubagaidon nanaa:

AYUB 42:10

Onda intua, naonda in sinambayangan i Ayub in yobayatnea taya toḷu, binaḻí i Tuhan in sia nooyúondon totok bo nobogoi bui kon inia kodua in bayongnea nongkon bayongan in kapunyaannea inta dungkuḷ.

MAZMUR 122:1

Dondong i Daud kon dodai in mayá in Baḷoi Tuhan. Mopia in ginaku kon tungkuḷ in intau moguman kon inakó, “Igai in kita mayá in Baḷoi i Tuhan!”

MAZMUR 121:1

Dondong mayá in Baḷoi Tuhan. Akuoi in inimindoi kon buḷud mita, nongkon onda in totuḷung kon inakó?

LUKAS 24:41

Bo kon dodai in mosia diápa basí mopirisaya, popisí in noiḻiudon pia in gina bo noherang, ki Yesus in noḻibó kon i monia, “Oyúon degá in kaanon kon i monimu naa?”

AYUB 9:16

Aka kuma bo Sia in motubag aka akuoi mokuani, moḻia-ḻiaw in ginaku, totuu degá kon moibog in Sia mokidongog kon singogku?

LUKAS 24:11

Táe rasuḷ mita inta pinogumanan monia in diá mopirisaya, sin irai monia kon bobay mita tatua in nongongumanbí kon inta diá totuu.

MARKUS 16:11

Táe naonda in kinodongogan monia kon ki Yesus in nobiag, bo ki Maria in nokoontongdon kon i-Nia, diábí in mosia nopirisaya.

ULANGAN 30:3

dá ki Tuhan Allahmu in monotabibí kon i monimu. Moiko in diaan-Neabí bui nongkon bangusa mita inta pinoporangkapan kon i monimu, bo bui ogoian in kobiagan motompia.

MAZMUR 14:7

Igumon mako nongkon Sion mamangoi in kasaḷamatan kon Israel! Dá buí i Yakub in koangoianbí in ḷunganga in gina aka ki Tuhan mopoguḻídon in kobiagan in umat-Nea.

MAZMUR 85:2

Kinoibog-Mu in butá-Mu, o Tuhan, kaadaan in Israel ain sinompia-Mu bui.

YEREMIA 29:14

Totuu, moiko in mokodungkuḷbí kon i-Nakó. Moiko in sipunon-Kubí nongkon yuak in bayongan bangusa bo nongkon bayongan in butá inta pinoporaritan bo pinoḷumbúan. Moiko in diaan-Kubí bui kon butámu tanaa bo monompia bui kon kobiaganmu. Akuoi, ki Tuhan, ain nosingog.’

YEREMIA 33:26

natua doman in Akuoi in tantú mokadai kon dodandian-Ku takin buí i Yakub bo takin in mogogundoi-Ku ki Daud. Intau tobatú nongkon buí i Daud in piḻíon-Ku momarenta kon buí i Abraham, i Ishak, bo i Yakub. Akuoi in monotabibí kon umat-Ku, bo mopobaḻí kon i monia mooyúon bui.”