MAZMUR 123:2 - Alkitab Singog In Mongondow Masa In Tanaa

² Naonda bo ata tobatú mongamang mako kon i tuangnea, bo ata bobay ata mogoḷat mako kon i tuangnea bobay, natuata in kami mogoḷat mako kon ini-Mu, o Tuhan, Allah nami, modapot in Iko monotabi kon inami.

MAZMUR 123:2 Referans Kwoze

MAZMUR 25:15

Mataku in umuranbí moindoi kon i Tuhan, sin Sia in noposaḷamat kon inakó nongkon anib.

KINOBAḺIAN 49:18

O Tuhan, kasaḷamatan inta inogoi-Mu, tuata inta inoḷatku mako.

LUKAS 18:1

Onda intua ki Yesus nongonguman kon tobatú poumpamaan sin potundú kon i monia sinbá mosia in umuran mosambayang bo umuran moropot in gina.

KINOBAḺIAN 32:26

Bo intau tatua in noguman, “Pomayádon mako akuoi mayá, sin mobayagdon in naa.” Ki Yakub in notubag, “Diábí pomayáku mako in ki Tuang tongá mayá mako natua, koḻikudbí in aka ki Tuang momarakatdon kon inakó.”

MAZMUR 119:82

Mataku moḷopí in mogoḷat mako kon ini-Mu mogintompod kon dandi-Mu, akuoi in noguman, “Toonubí degá in Iko in moḻipoi kon inakó?”

YOSUA 10:6

Intau mita in Gibeon nopotaau in habar tanaa kon i Yosua inta kon pinononḷoḷaigan kon Gilgal, “Dika pomayá mako in kami tontaní, Tuang! Ḷagidon angoi bantungai in kami, sin tontara nongkon bayongan datu in Amori kon buḷud ain noyodondon sin monubu kon inami!”

YOSUA 9:27

Táe mosia tua in binaḻí ata – mononiai kon kayu bo mononangkob kon tubig pakéon in intau in Israel bo pakéon kon mezbah i Tuhan. Nodapotpabí in tanaa mosia umuranpabí nogaid kon oaidan tatua kon tampat inta piniḻí i Tuhan nobaḻí tampat pooibadaan kon i-Nia.

YOSUA 9:23

Popisí in moiko ain nomia kon natua, ki Allah in mohukum kon i monimu. Bangusamu in umuranbí mobaḻí ata, mononiai kon kayu bo mononangkob kon tubig pakéon kon Baḷoi i Allahku.”

DATU MITA IMITÁNEA 1:20

Tuang datu Inta Momulia, bayongan rayat in Israel tanaa mako in dongkabí mogoḷat mako kon kotantúan in tosingogon i tuang datu mongo ki ine in momaḷui kon i tuang datu mobaḻí datu.

TAWARIKH 2 20:12

Ikobí in ki Allah nami! Hukumdon in mosia, sin kami in diádon mokopongonu in monayow kon tontara inta mobayong tatua, inta monubu kon inami. Diábí kotaauan nami mongo onupa in pomiaan nami, tuamai in mamangoi in kami kon ini-Mu mokituḷung.”