MAZMUR 121:3 - Alkitab Singog In Mongondow Masa In Tanaa

³ Sia in diábí mopomayá mako kon inimu moḷabú, moḷoḷukadmu in umuranbí moḷukad mako.

MAZMUR 121:3 Referans Kwoze

AMSAL 3:26

Ki Tuhan in moḷukadbí kon inimu. Diábí pomayá-Nea mako in iko moibaaḷ kon poyogaḷap.

AMSAL 3:23

Iko in moamanbí in mayá, bo diábí moipintud.

SAMUEL 1 2:9

Intau inta mosatia in umuran moaman kon bonu in kawasa i Tuhan. Táe intau inta moraat in morimumud matoi kon bonu in sindip bo kintui totok. Ropot tontaní diá motaau in pongata, ropot in intau diá mokoogoi kon kauntungan.

YESAYA 27:3

Akuoi, ki Tuhan, moḷoḷukad-Nea; pomuḷoi mako butakanku intua, singgai doḷom ḷukadanku intua, sinbá diá in monuyayow kon inia.

MAZMUR 91:12

Tamadonbí monia in iko, sinbá sioḷmu in diá moidatong kon batu.

MAZMUR 127:1

Dondong i Salomo. Aka deeman ki Tuhan in noposindog in baḷoi, yo diábí in mangaḻe in mogogimoknea mita mogaid. Aka deeman ki Tuhan in moḷukad kon kotá, yo diábí in mangaḻe in poḷukadan in moḷoḷukad.

PETRUS 1 1:5

Tua komintan in ogoi kon i monimu, sin moiko in mopirisaya kon i Allah. Moiko iḷukadanbí doman in kawasa i Allah sinbá moiko in motarima kon kasaḷamatan inta sinadiadon bo poponiata kon singgai tumi.

MAZMUR 66:9

Sia in noḷukadon kon inami sinbá tantú mobiag, bo diá nopomayá mako kon inami noḷabú.

AMSAL 2:8

Ki Tuhan in moḷukad kon intau mita inta mongoadil, bo moḷukad kon i monia inta motabi kon i-Nia.

MAZMUR 41:2

Pia in kamang in intau inta moindoimai kon intau inta moyangkó; ki Tuhan in motuḷungbí kon inia kon dodai in moyoyiga.

MAZMUR 55:23

Posarakaidon in inta mokoḻia-ḻiaw kon ginamu kon i Tuhan, dá Sia in moduḷu kon inimu; sin intau mojujur in diábí pomayá-Nea mako in taḷowon.