MAZMUR 119:68 - Alkitab Singog In Mongondow Masa In Tanaa

⁶⁸ Sin Iko in mopia bo nopoaid in mopia, tundúai in akuoi in atorang-Mu mita.

MAZMUR 119:68 Referans Kwoze

MAZMUR 119:12

Akuoi in modayow kon ini-Mu, o Tuhan, tundúdon in akuoi in atorang-Mu.

MAZMUR 106:1

Posukurdon kon i Tuhan, sin mopia in Sia; tabi-Nea in mononoi.

MAZMUR 86:5

Iko in mopia, o Tuhan, bo moibog mongampung, intau inta mosambayang kon ini-Mu umuranbí kotabi-Mu takin tabi inta moiḻiu.

MATIUS 19:17

Ki Yesus in noḻibó, “Nongonu sin iko in moḻibóbí kon i-Nakó kon onu inta mopia? Tongábí tobatú in mopia. Aka iko moibog mobiag, yo duduiaidon in bayongan parenta i Allah.”

MAZMUR 107:1

“Posukurdon kon i Tuhan sin Sia in mopia, tabi-Nea in mononoi totok.”

MATIUS 5:45

aka moiko mogaid kon natua yo moiko in mobaḻí ki adí mita i Amámu inta kon soroga. Sin ki Allah in mobogoi mata in singgai-Nea kon intau moraat bo kon intau mopia bo Sia doman inta mobogoi in uyan kon intau inta mobanar bo kon intau inta mouboḷ.

LUKAS 18:19

Dá ki Yesus in notubag, “Nongonu sin iko in mogumanbí kon Akuoi in mopia? Diábí tobatúmai in mopia, koḻikudbí in ki Allah tontaní.

MARKUS 10:18

Dá ki Yesus in noḻibó kon inia, “Nongonu sin iko in mogumanbí kon Akuoi in mopia? Diábí in mopia, koḻikudbí in ki Allah tontaní.

YESAYA 63:7

Akuoi in mopohabar in tabi i Tuhan bo modayow kon i-Nia sin bayongan in aid-Nea. Binarakatan-Nea totok in umat-Nea, sin Sia in nonotabi bo tabi-Nea in diábí moobo-obot.

MAZMUR 119:26

Inakuku in aidku, bo Iko in notubag kon inakó; tundúdon kon inakó in atorang-Mu.