MAZMUR 119:57 - Alkitab Singog In Mongondow Masa In Tanaa

⁵⁷ Tongábí Iko tontaní in koibogku, o Tuhan, akuoi in modandi kon mogaid kon onu in sinundú-Mu.

MAZMUR 119:57 Referans Kwoze

OMBAḶ 3:24

Ki Tuhan in kapunyaankubí totobatú tua. Tuamai, umandoḷ in akuoi kon i-Nia.

MAZMUR 16:5

Tuhan, tongá Iko in kinoibogku; Iko in nobogoi in bayongan inta paraḷuku, ukurku in kon bonubí in kawasa-Mu.

MAZMUR 142:5

Kon dodai in akuoi nobobui kon sikumai, diábí in inontongku in motuḷung kon inakó. Diábí in nogoḻingoi kon inakó, andeka inta nopandungmai kon inakó.

YEREMIA 10:16

Ki Allah i Yakub in diábí notongkai in berhala mita tatua; Sia in momomaḻí kon bayongan in yagi-yagi. Tangoi-Nea in ki Tuhan Inta Totok in mokawasa; Sia in nomiḻídon kon Israel nobaḻí umat-Nea.

MAZMUR 73:26

Umpaka dimukud bo awakku in moḻemédon, Ikobí in ropotku, o Allah; Ikobí in kapunyaanku modapot in mononoi.

MAZMUR 119:115

Ei intau moraat, pokoyayúdon kon inakó! Akuoi in moibogbí tumoḷutui kon parenta i Allahku.

YOSUA 24:21

Dá intau mita in Israel tatua notubag, “Dia! Kami in diábí mogundoi kon ilah mita ibanea. Kami in mogundoibí tongá kon i Tuhan!”

YOSUA 24:18

Bo naonda in kita sinumuot kon butá tanaa, ki Tuhan nopoguntun kon bayongan intau in Amori inta nogutun kon naa. Dá, kami in moibogbí mogundoi kon i Tuhan, sin Sia tuata in ki Allah naton!”

YOSUA 24:15

Aka kuma bo moiko doí mogundoi kon i Tuhan, ponantúdon kon tosingogon in singgai naa doman ki ine in koibog monimu sumbáan: kon i ilah mita ibanea inta sinumba in mogoguyangmu kon Mesopotamia koḻipod ande kon ilah mita in intau in Amori inta butánea in pinogutunan monimu masai naa. Táe kami – akuoi bo tombonu in baḷoiku – in umuranbí mogundoi tongá kon i Tuhan.”

MAZMUR 119:106

Inta dinandiku pinodoyon kon ibot in intompodankubí, kon kumadai kon atorang-Mu inta moadil.

MAZMUR 66:14

Dandi inta siningogku kon tungkuḷ in akuoi kon bonu in susa.

ULANGAN 18:2

Mosia in diábí motaau kobutá ná suku mita ibanea, sin ki Tuhanbí in nobaḻí silai budel monia, ná inta pinodandi i Tuhan kon i monia.

MAZMUR 119:2

Pia in kamang in intau inta dinumudui kon parenta-Nea, bo takin ḻimbatú in gina moḷongasi monotaau kon i Tuhan.