MAZMUR 119:42 - Alkitab Singog In Mongondow Masa In Tanaa

⁴² Dá mokotubagdon in akuoi kon intau inta moningkuḻe kon inakó, sin akuoi in mopongata in tosingogon-Mu.

MAZMUR 119:42 Referans Kwoze

OUMAN IN RASUL MITA 27:25

Tuamai utatku mita, umuran korigonon in gina! Sin akuoi in mopirisayabí totok kon i Allah kon bayongan tua in mobaḻíbí ná inta pinoguman-Neadon kon inakó.

MATIUS 27:63

bo noguman, “Tuang, kinotoropan nami, Intau mouboḷ tatua kon wakutu in nobiagpa, perna noguman, ‘Naonda in toḷu nosinggai mobiag in Akuoi bui.’

AMSAL 27:11

Adíku, pokobijaksanabí in iko, sinbá mosanang in ginaku bo mokotubag aka singkuḻeon.

MAZMUR 119:81

Ginaku in totokbí in mokotanob kon kasaḷamatan nongkon ini-Mu; akuoi in mogoḷat mako kon dandi-Mu.

MAZMUR 119:74

Intau motoguondok in mosanangbí in ginanea aka mokoontong kon inakó, sin akuoi in mogoḷat mako kon dandi-Mu.

MAZMUR 119:49

Toropdon in dandi-Mu kon mogogundoi-Mu tanaa, dandi inta mobogoi in kamang kon inakó.

MAZMUR 56:4

Kon dodai in noondok in akuoi, akuoi in nongamang kon ini-Mu.

MAZMUR 42:10

Akuoi in noguman kon i Allah, mododuḷuku, “Nongonu sin kinoḻiongan-Mubí in akuoi? Nongonu sin akuoi in mustibí umuran mobaba kon roriga, popisí in doroton in musungku mita?”

MAZMUR 3:2

O Tuhan, totuu mobarong in musungku, totuu mobarong in monubu kon inakó!

MAZMUR 109:25

Intau mita inta mokoontong kon inakó moningkuḻe kon inakó poḷat momombiḻing.