MAZMUR 119:2 - Alkitab Singog In Mongondow Masa In Tanaa

² Pia in kamang in intau inta dinumudui kon parenta-Nea, bo takin ḻimbatú in gina moḷongasi monotaau kon i Tuhan.

MAZMUR 119:2 Referans Kwoze

YEREMIA 29:13

Moiko in motayakbí kon i-Nakó bo moyodungkuḷ-Kubí, sin moiko in motayak takin ḻimbatú in gina.

MAZMUR 119:10

Takin ḻimbatú in gina akuoi moḷongasi monotaau kon ini-Mu, dikabí kaasí pomayá-Mu mako in akuoi in tumabat kon parenta-Mu.

ULANGAN 4:29

Bo moiko in motayakdon kon i Tuhan Allahmu, bo aka moiko motayak kon i-Nia takin ginamu totu-totuu, yo mouḻímubí in Sia.

YOHANES 14:23

Ki Yesus in notubag: “Intau inta motabi kon i-Nakó, dumuduibí kon totundú-Ku. Bo ki Amá-Ku in motabibí kon inia. Ki Amá bo Akuoi in mamangoibí kon inia bo mogutun moyotakinnea.

MAZMUR 25:10

Intau inta motoindudui kon dodandian bo hukum-Nea, yo kotabi-Neabí in mosia takin satia.

YEHEZKIEL 36:27

Roho-Ku in popogonú-Ku kon bonu in ginamu bo ḷukadan-Ku in moiko sinbá mobiag podudui in hukum-Ku mita poḷat motoindudui kon bayongan in parenta-Ku.

AMSAL 23:26

Tondudut kopira bo duduidon kon kobobiagku, adíku!

ULANGAN 6:17

Duduiaidon in bayongan hukum inta inogoi i Tuhan Allahmu kon inimu.

TAWARIKH 2 31:21

Sia in nokodapot kon oaidannea, sin bayongan inta inaidannea kon kopontingan in Baḷoi Tuhan andeka dumudui kon hukum mita i Tuhan, pinobayá takin ḻimbatú in gina bo takin doman tabi kon i Tuhan Allahnea.

DATU MITA IMITÁNEA 2:3

Aidaibí in onu inta pinarenta i Tuhan Allahmu kon inimu. Duduiai in bayongan hukum bo parenta-Nea inta pinais kon bonu in Buk i Musa, sinbá kon ondaka in bayáanmu yo kodapotanmu in bayongan inta iḷongasimu.

YOHANES 1 3:20

Kinotaauandon naton, kon aka kita bo potaḷáandon in gina naton, yo ki Allahbí in mopando-pandoi nongkon gina naton, bo kinotaauan-Neabí in bayongan yagi-yagi.

MAZMUR 105:45

sinbá umat-Nea tatua in motoindudui kon hukum-Nea mita bo dumudui kon parenta-Nea mita. Dayowdon in ki Tuhan!

ULANGAN 6:5

Kotabibí in ki Tuhan Allahmu takin bayongan ginamu: Poniata intua kon bonu in kobiaganmu bo oaidmu.

MAZMUR 119:22

Poḷuatdon in akuoi kon singkuḻe bo rebeg monia, sin akuoi in nopobayá in atorang-Mu.

MAZMUR 119:146

Akuoi in nokuani kon ini-Mu, posaḷamatpa kaasí in akuoi, akuoi in moibog kumadai kon atorang-Mu.

TAWARIKH 1 22:19

Dá pogundoidon in moiko kon i Tuhan Allahmu takin ḻimbatú in ropotmu. Pomangkoidon pogaid kon baḷoi kon i Tuhan, sinbá Poti Dodandian-Nea bo bayongan in pakakat ibanea inta tongá pakéon kon ibada in motaaudon tagúon kon tua.”

MAZMUR 119:17

Igumon mako mopia in gina-Mu kon mogogundoi-Mu naa, sinbá akuoi in umuran mobiag bo dumudui kon totundú-Mu.

MAZMUR 119:33

Tuhan, tundúdon kon inakó in mangaḻe in atorang-Mu mita, sinbá dumudui in akuoi modapot in kopaḷutannea.

MAZMUR 119:34

Popomangaḻedon kon inakó in hukum-Mu sinbá duduianku, bo aidanku takin ḻimbatú in gina.

MAZMUR 119:57

Tongábí Iko tontaní in koibogku, o Tuhan, akuoi in modandi kon mogaid kon onu in sinundú-Mu.

MAZMUR 119:69

Intau moḷoḷatú noningkuḻe kon inakó, táe noḻimbatúbí in ginaku in sinumoḷutui kon atorang-Mu.

MAZMUR 119:88

Posaḷamatpa in akuoi sin Iko in umuranbí motabi kon inakó, sinbá akuoi in mokoduduidon kon hukum-Mu.

MAZMUR 119:101

Iyumayú in akuoi kon bayongan in dodia, moraat, sinbá motoḷutui in akuoi kon totundú-Mu.

MAZMUR 119:115

Ei intau moraat, pokoyayúdon kon inakó! Akuoi in moibogbí tumoḷutui kon parenta i Allahku.