MAZMUR 119:163 - Alkitab Singog In Mongondow Masa In Tanaa

¹⁶³ Bayongan in uboḷ kinodoíku, táe hukum-Mu in kinoibogku.

MAZMUR 119:163 Referans Kwoze

MAZMUR 119:128

Tuamai akuoi in nobiag podudui in bayongan topotundú-Mu; dodia inta mobelung in kinodoíku.

SURAT I PAULUS KON JAMAAT RUM 12:9

Kotabibí takin gina motuḻid. Poyayú inta moraat bo kadai kon onu inta mopia.

AMOS 5:15

Kodoídon in inta moraat, kotabidon inta mopia, bo posindogdon in inta moadil. Dika-dika bo ki Tuhan in motabidon kon intau mita inta kiagatneapa nongkon bangusa in Israel.

MAZMUR 119:29

Poyayúdon in akuoi nongkon daḷan inta mokopoḷaḻe, popisí in kopopia-Mu, yo tundú kon inakó in hukum-Mu.

WAHYU 22:15

Táe intau mita inta nogaid kon soaḷ mita inta moromú, inta moibog monggaing, bo intau mita inta mogaid kon soaḷ mita inta mokotor, inta moḻimod, mosumba kon berhala, bo intau mita inta mouboḷ, pinomayá tosingogon ande oaid, komintan intau natua, kon ḷuai in kotá in tampatnea.

EPESUS 4:25

Manangka intua Utatku mita, dikadon moibog monguboḷ. Mokopojujurbí aka mobiag, sin kita komintan naa in tumpaḷabí anggota in awak i Kristus.

AMSAL 30:8

Dika modapot in akuoi mopoyaput in tosingogon mita inta motombogá bo uboḷ, bo dika pomayá mako in akuoi mobaḻí bogá andeka mooyúon. Tongádon ogoiai in akuoi in onu inta pakéonku.

MAZMUR 119:113

Akuoi in moibog totok kon hukum-Mu mita, kinodoíku in intau inta diá noḻimbatú in gina in dumudui kon ini-Mu.

MAZMUR 101:7

Intau mopopak diábí motaau in mogutun kon baḷoiku; inta mouboḷ in diábí monahang in kon tayowonku.

MAZMUR 119:47

Inta mokoḷunganga kon inakó in mopobayábí in parenta-Mu, sin kinoibogku totok intua.

MAZMUR 119:104

Hukum-Mu mita in nobogoi kon inakó in pomomangaḻe, dá doíbí in akuoi kon aid motombogá.

AMSAL 13:5

Intau motuḻid in gina in doíbí kon inta uboḷ, dodia in intau moraat mokooyá bo kinodoí.