MAZMUR 119:157 - Alkitab Singog In Mongondow Masa In Tanaa

¹⁵⁷ Nobayong in intau in nosaturu bo nondudur kon inakó, táe diábí sinaḷáanku in parenta-Mu.

MAZMUR 119:157 Referans Kwoze

KORINTUS 1 15:58

Tuamai uḻe utatku mita inta kinotabiku, mokoporopot bo kotorindog. Umuran totu-totuu pogundoi kon i Tuhan, sin kinotaauanbí monimu kon bayongan inta inaidan monimu kon i Tuhan, komintanbí baraguna.

MAZMUR 119:51

Intau moḷoḷatú in totokbí in moningkuḻe kon inakó, táe akuoi in diábí sinumabat kon hukum-Mu.

YESAYA 42:4

Diá in gagawang andeka kobuḻian in kamang, modapot in inta moadil in posindogon kon dunia. Ḻipú mita inta moyayú mokotanob kon totundúnea.”

AYUB 23:11

Akuoi in motoinduduibí kon i-Nia takin satia; diábí kon dodai in onda in akuoi in sinumabat nongkon daḷan inta sinantú-Nea.

AYUB 17:9

Intau inta mopia bo inta diá kotaḷá, moyakindon totok kon kobobiagnea mokosanang kon i Allah.

OUMAN IN RASUL MITA 4:27

Sin totuubí kon ki Herodes bo ki Pontius Pilatus aindon noyosipun kon kotá tanaa takin intau mita inta diá nonotaau kon i Tuhan bo intau mita in Israel sin moḷawang kon i Yesus, simpaḷ-Mu inta ain piniḻí-Mu bo inta kinoibog-Mu.

MATIUS 24:9

Kon wakutu intua moiko in poposarakan sinbá rorigaan, bo moiko in ḻimodon bo saturuon in bayongan intau sin moiko in dumodudui-Ku.

MAZMUR 119:110

Intau moraat in motaan kon poyogaḷap kon inakó, táe akuoi in diábí sinumabat kon atorang-Mu.

MAZMUR 56:2

Kotabipa kaasí in akuoi, o Allah, sin sinubu in akuoi, umuranbí in akuoi doroton in musungku mita.

MAZMUR 44:17

sin mokodongog kon rebeg bo singkuḻe nongkon bibig mita in musung bo mototagú kon gina.

MAZMUR 25:19

Indoiaika totuu mobarong in musungku; mosia in totokbí in mondoí kon inakó.

MAZMUR 22:16

Sigoḷokku noingkag naonda bo rumog in posilag, diláku notorondódon. Tuhan, sinaḷáan-Mu in akuoi kon tudu in ḷobud nádon onda bo intau inta ain minatoi.

MAZMUR 22:12

Dikabí yumayú, sin anib in nodiugdon, bo diá in motuḷung.

MAZMUR 7:1

Amui i Daud, inta pinodondong kon i Tuhan popisí in ki Kus, intau in Benyamin tatua.

MATIUS 26:47

Wakutu in ki Yesus yogotpa noyosingog, ki Yudas, tobatú murí-Nea in namangoidon noyotakin in intau mobayong inta kodia-dia in pitow. Bo bobobak, tua komintan in pinoki dia in imang mita itoi bo guhanga in ḻipú intau Yahudi.