MAZMUR 119:14 - Alkitab Singog In Mongondow Masa In Tanaa

¹⁴ Noḷunganga in ginaku in dinumudui kon parenta-Mu mita, naonda bo nokouḻí kon bayongan in kapunyaan.

MAZMUR 119:14 Referans Kwoze

MATIUS 13:44

“Aka ki Allah momarenta, yo naonda: Bo kapunyaan inta noiḷobong kon gobá inta nouḻí in intau, bodongka iḷobongnea bui. Popisí in pia in ginanea, dá minayádon in sia bo nopotaḷui in bayongan kapunyaannea bo sinaḷuineadon in gobá tatua.”

YEREMIA 15:16

Iko in nosingog kon inakó, bo akuoi in nokidongog kon bayongan in tosingogon-Mu. Akuoi naa in Iko in kitogi, o Tuhan Allah Inta Totok in mokawasa, tuamai in tosingogon-Mu mita in mokosanang bo mokoḷunganga kon inakó.

MAZMUR 119:162

Dandi-Mu in nokosanang kon ginaku, naonda bo intau inta nokouḻí kon kapunyaan.

MAZMUR 112:1

Dayowdon in ki Tuhan! Pia in kamang in intau inta motoguondok, inta moibog in parenta mita i Tuhan.

AYUB 23:12

Parenta mita i Allah umuran dinuduianku, ibog-Nea dinuduianku, bo deemanbí ibogku tontaní.

MAZMUR 119:127

Parenta-Mu mita in kinoibogku totok noiḻiu kon buḷawan taakan.

MAZMUR 119:111

Parenta-Mu in bongkoḷku modapot in mononoi, inta nokoḷunganga kon ginaku.

MAZMUR 119:77

Kotabipa kaasí in akuoi, dá umuran mobiag in akuoi, sin hukum-Mu in mokosanang kon ginaku.

MAZMUR 119:72

Kon inakó in hukum-Mu in mopia-pia nongkon bayongan in buḷawan bo saḷaka kon dunia.

MAZMUR 119:47

Inta mokoḷunganga kon inakó in mopobayábí in parenta-Mu, sin kinoibogku totok intua.