MAZMUR 119:110 - Alkitab Singog In Mongondow Masa In Tanaa

¹¹⁰ Intau moraat in motaan kon poyogaḷap kon inakó, táe akuoi in diábí sinumabat kon atorang-Mu.

MAZMUR 119:110 Referans Kwoze

MAZMUR 141:9

Ḷukadaidon in akuoi nongkon potait inta sinaan kon inakó, nongkon poyogaḷap in intau mita moraat tatua.

MAZMUR 140:5

O Tuhan, ḷukadaidon in akuoi nongkon kawasa in intau moraat, ḷukadaidon in akuoi nongkon intau inta moḻingá inta moniat mopoḷabú kon inakó.

MAZMUR 119:95

Intau moraat in mogoḷat mako sin moḻimod kon inakó, táe akuoi in moibogbí monaridimai kon hukum-Mu.

MAZMUR 119:85

Intau inta diá dinumudui kon hukum-Mu, nongaḻidon kon bubú sinbá kotopakanku.

MAZMUR 119:10

Takin ḻimbatú in gina akuoi moḷongasi monotaau kon ini-Mu, dikabí kaasí pomayá-Mu mako in akuoi in tumabat kon parenta-Mu.

YEREMIA 18:22

Potabádon in mogogagow daḻí mamangoi kon baḷoi monia, dá kumarak in mosia popisí in ondok. Mosia in nongaḻidon kon bubú sinbá moḷabú in akuoi kon bonunea, bo mosia in notaandon kon potait sin podomok kon inakó.

DANIEL 6:10

Dá ki Datu Darius in notekengdon kon surat parenta tatua.

MAZMUR 119:87

Gogió bo kinoḻimodandon monia in akuoi, táe diábí sinaḷáankumai in parenta-Mu.

MAZMUR 119:51

Intau moḷoḷatú in totokbí in moningkuḻe kon inakó, táe akuoi in diábí sinumabat kon hukum-Mu.

MAZMUR 119:21

Iko in monoboḷow kon intau inta moḷoḷatú, bo nongutuk kon intau inta sinumabat kon parenta-Mu.

MAZMUR 38:13

Intau inta moibog moḻimod kon inakó notaan kon potait kon inakó; inta moibog mopobodito kon inakó nopogogondok moyompat kon inakó.

MAZMUR 57:7

Musungku in motaan kon potait kon inakó, bo momutoḷ kon ibog in ginaku. Mosia in nongaḻi kon bubú kon daḷanku, táe mosiabí tontaní in noibonu kon tua.