MAZMUR 119:108 - Alkitab Singog In Mongondow Masa In Tanaa

¹⁰⁸ Tarimapa kaasí in sambayang sukurku, o Tuhan, bo tundúdon in akuoi in hukum-Mu mita.

MAZMUR 119:108 Referans Kwoze

IBRANI 13:15

Tuamai potonsigad naton kon i Yesus, kita in musti umuran modayow kon i Allah; tua in nobaḻí kuruban sukur naton kon i-Nia, inta pinosumba naton pinongin singog in bibig sin mopomulia kon tangoi-Nea.

HOSEA 14:2

Pobuidon mangoi kon i Tuhan Allahmu, ei bangusa in Israel! Dosamu ain nokopopisí kon inimu norondog bo noḷabú.

MAZMUR 119:12

Akuoi in modayow kon ini-Mu, o Tuhan, tundúdon in akuoi in atorang-Mu.

MAZMUR 119:169

Igumon mako kuaniku modapot kon ini-Mu, o Tuhan, ogoiaidon in akuoi in pomomangaḻe, podudui in dandi-Mu.

PINOGIAPAN 29:39

Tuata in atorang mita kon kuruban payongon, kuruban oḷudon, kuruban tubig in anggur, bo kuruban pondamean inta musti posumba monimu kon i Tuhan kon porayaanmu mita inta ain sinantú. Kuruban mita tatua in nobaḻí indugang kon kuruban mita inta posumba monimu sin moguboḻi kon dandi andeka kuruban ibog tontaní.

MAZMUR 119:130

Aka insilangan, totundú-Mu in mobogoi in bayag, mobogoi in pomomangaḻe kon intau moompá in gina.

MAZMUR 119:26

Inakuku in aidku, bo Iko in notubag kon inakó; tundúdon kon inakó in atorang-Mu.

TAWARIKH 2 31:14

Ki Kore ki adí i Yimna, intau in Lewi tobatú inta nobaḻí itoi in moḷoḷukad kon Bonawang Pomukaan kon Baḷoi Tuhan, inogoian in oaidan motarima kon oogoi mita inta pinosumba kon i Tuhan, bodongka mosilai.

MAZMUR 27:6

Tanaa akuoi in nountung kon musung inta kon ḻibukumai; dá takin goḷokap takin pia in gina pinosumbaku in kuruban sukur kon Baḷoi-Nea; akuoi in nodondong bo nodayow kon i Tuhan.