MAZMUR 118:15 - Alkitab Singog In Mongondow Masa In Tanaa

¹⁵ Indongogaidon in giow kinountungan kon ḷoḷaigan mita in umat-Nea, “Ki Tuhan in nopoontongdon in kotorindog-Nea!

MAZMUR 118:15 Referans Kwoze

MAZMUR 89:13

Ikobí in nomaḻí kon utuan bo toḷatan, Buḷud in Tabor bo Hermon moronggiow kon ini-Mu.

MAZMUR 60:12

O Allah, diá degá in Iko noyotakin nami? Diá degá in Iko mayá moparang takin tontara nami?

IḶUAIAN 15:6

Ropot-Mu totok in mokoherang, o Tuhan, Binaḻí-Mu in musung norimumud.

LUKAS 1:51

Takin kawasa-Nea inta totok in moropot, Sia in mopoyayit in bayongan intau inta mododia, bo momoguyaat kon tomayá mita monia.

MAZMUR 98:1

Mazmur. Podondongdon in dondong mobagu kon i Tuhan, sin aid-Nea mita inta mokotongaw! Pinongin kawasa bo ropot-Nea tontaní Sia in nokountungdon.

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

OUMAN IN RASUL MITA 16:34

Noiduduimai kon tua itoi in ponjara tatua nodia kon i Paulus bo kon i Silas minayá in baḷoinea bo mosia in inoḷudan in kaanon. Sia takin bayongan koluarganea totok nopia in gina monia sin mosia tanaa nopirisaya kon i Allah.

YESAYA 65:13

Totuu, intau inta mosumba kon i-Nakó in mongaanbí táe moiko in koaputanbí in gogoy. Mosia in monginumbí, táe moiko in koaputan in rogang, mosia in moḷunganga, táe moiko in pokopooyáanmai.

MAZMUR 119:111

Parenta-Mu in bongkoḷku modapot in mononoi, inta nokoḷunganga kon ginaku.

MAZMUR 68:3

Pinoguntun i Allah in mosia mayá, naonda bo poyok inta inirup bo noinggamádon. Naonda bo lilin inta ḷumoḷayat kon bonu in tuḷú, natuata in intau moraat moinggamá nongkon tayowon i Allah.

MAZMUR 44:3

Iko tontaní in noguntun kon bangusa mita sinbá umat-Mu in mogutun motantú kon butá monia. Bangusa mita ibanea pinobodito-Mu, táe umat-Mu in pinomayá-Mu mako in kodugangannea.

MAZMUR 32:11

Ei intau mita motoḷutui, pokosanangdon bo pokoḷungangadon sin onu inta ain pinomia i Tuhan Porogiowdon takin pia in gina, ei bayongan in intau inta motuḻid in gina!

MAZMUR 45:4

Pogabitdon in kedangmu kon ogotan, ei datu inta motorindog, iko in totok in momulia bo motaingkat!

ULANGAN 12:12

Kosanangdon in gina kon tayowon i Tuhan Allahmu, takin adímu mita, bobantungmu mita bo intau mita in Lewi inta nogutun kon kotámu mita, sin intau mita in Lewi diá nokouḻí kon tonsilai kon butámu.

MAZMUR 119:54

Kinoouput in kobiaganku inta motoyong naa kon dunia, atorang-Mu in baḻíonku dondong mita dodayow.

MAZMUR 5:12

Igumon mako bayongan in intau inta noniung kon ini-Mu mopia in gina bo tantú monggoḷokap. Ḷukadaidon in intau mita inta motabi kon ini-Mu, sinbá moḷunganga in gina monia popisí in Iko.

MAZMUR 111:2

Totuu kon mokoherang in aid mita i Tuhan, totokbí in mopia tonduduton in intau mita inta moibog intua.