MAZMUR 116:9 - Alkitab Singog In Mongondow Masa In Tanaa

⁹ Dá akuoi in nobiagdon kon dunia naa, kon bonu in kawasa i Tuhan.

MAZMUR 116:9 Referans Kwoze

MAZMUR 27:13

Noyakinbí in akuoi kon mokonanambí kon kopopia i Tuhan kon bonu in kobiaganku kon dunia naa.

LUKAS 1:75

Kita in umuran mogaid kon onu in kinoibog bo inta kinosanang in gina-Nea kon wakutu in mobiagpa.

KINOBAḺIAN 17:1

Kon tungkuḷ in ki Abram umur siow nopuḷú bo siow notaong, ki Tuhan nokipogontong kon inia bo poḷat noguman, “Akuoi in ki Allah Inta Totok in Mokawasa. Kobiagdon kon tayowon-Ku takin kodu-kodudui kon onu inta kinoibog-Ku.

YESAYA 53:8

Sia in dinomok bo pinotayow kon pongadilan, bodongka dinia ihukum minatoi. Diábí in noindoimai kon ukurnea; sia in minatoi popisí in dosa in bangusa naton.

MAZMUR 61:7

Igumon mako ki datu moumur in kobiagan, dá mobiag in sia modapot in inanakan.

DATU MITA IMITÁNEA 9:4

Aka iko mogundoi kon i-Nakó takin gina motuḻid bo mobanar ná ki Daud ki amámu, bo iko in motoindudui kon bayongan hukum bo parenta-Ku,

DATU MITA IMITÁNEA 8:25

Iko in nodandi domandon kon i amáku kon aka buínea totu-totuu motoindudui kon ini-Mu ná sia, dá umuranbí oyúon in intau tobatú nongkon buínea in mobaḻí datu kon Israel. Tanaa, o Tuhan Allah in Israel, intompodaidon komintan in bayongan inta ain pinodandi-Mu kon i amáku ki Daud, mogogundoi-Mu tua.

DATU MITA IMITÁNEA 2:4

Aka iko motoḷutui kon i Tuhan, yo intompodan-Neabí in dandi-Nea kon buíkubí in momarenta kon Israel, asaḷ bo mosia in takin ḻimbatú in gina bo bayongan dimukud in umuran mosatia in dumudui kon parenta-Nea mita.

LUKAS 1:6

Kobobiag inayadua motonibuḷoi tua mokosanang kon gina i Allah, sin taya dua in umuranbí dinumudui kon parenta bo atorang i Tuhan, diábí in sinaḻiban monia.