MAZMUR 116:7 - Alkitab Singog In Mongondow Masa In Tanaa

⁷ Pinoodomku in ginaku, sin ki Tuhan in mopia kon inakó.

MAZMUR 116:7 Referans Kwoze

MAZMUR 13:6

Sin akuoi in mopongata in tabi-Mu, dá moḷunganga in akuoi sin Iko in noposaḷamat kon inakó. Akuoi in moibog mopoyaput in dondong kon i Tuhan, sin Sia in nopoaid in mopia kon inakó!

YEREMIA 30:10

Umat-Ku Israel, dikadon moondok! Mogogundoi-Ku Yakub, dika mourot! Moiko bo buímu in posaḷamaton-Kubí nongkon butá moyayú, tampat pinodakopan kon i monimu. Moiko in mobuibí bo mogutun kon butámu takin moaman. Moiko in mobiagbí motomoman; diá bidon in koondok monimu.

YEREMIA 6:16

Ki Tuhan in noguman kon umat-Nea, “Sindogdon kon poyotangaan mita in daḷan, bo taridiadon kopira! Ḻibódon in daḷan mita dungkuḷmai, bo onda in mopia-pia kon sigadnea. Duduiaidon in daḷan tatua, sinbá moiko in mobiag moodom.” Táe mosia in noguman, “Diá, kami in doíbí mongin daḷan tatua!”

MAZMUR 119:17

Igumon mako mopia in gina-Mu kon mogogundoi-Mu naa, sinbá akuoi in umuran mobiag bo dumudui kon totundú-Mu.

MAZMUR 95:11

Dá Akuoi in nongibot kon bonu in torú-Ku, mosia in diábí tumuot kon butá tatua bo mokouḻí kon pogogaian takin-Ku.”

HOSEA 2:7

Sia in momatukbí kon intau mita inta kinoibognea, táe diábí mokodapot kon i monia. Sia in motayakbí kon i monia, táe diábí mouḻínea in mosia. Bo sia in moguman, ‘Akuoi in mobuibí mangoi kon i buḷoiku inta muna; kobobiagku dungkuḷmai in mopia-pia nongkon tanaa mako.’