MAZMUR 116:1 - Alkitab Singog In Mongondow Masa In Tanaa

¹ Akuoi in moibog kon i Tuhan, sin inindongogan-Nea in akuoi bo nonaridimai kon oigumku.

MAZMUR 116:1 Referans Kwoze

YOHANES 1 4:19

Kita motabi, sin ki Allah ain muna notabi kon i naton.

YOHANES 16:24

Umaai in tanaa mako, moiko in diápa kon dodai onda in noigum kon onu bo onu pinongin tangoi-Ku. Poigumdon, dá motarimabí in moiko, sinbá ḷunganga in ginamu motompodon.”

MARKUS 12:33

Bo intau in mustibí totu-totuu motabi kon i Allah kon bonu in ginanea, bo kon bonu in raiannea bo ropotnea. Bo mustibí doman in sia motabi kon tumpaḷa intau ná kototabinea kon awaknea tontaní. Tuabí in mopia-pia nongkon mobogoi in sosumba inta kuruban tubáan bo kuruban mita ibanea kon i Allah.”

MAZMUR 69:33

Mokoontong kon tua, inta dinorot mopia-pia in gina, intau inta mosumba kon i Allah moḷoben in gina.

MAZMUR 40:1

Kon i itoi in mododondong. Mazmur i Daud.

MAZMUR 119:132

Bobuidon in akuoi bo kotabipa kaasí in akuoi, ná kototabi-Mu kon intau inta motabi kon ini-Mu.

KINOBAḺIAN 35:2

Bo ki Yakub in noguman kon buḷoi, adí ginaḷumnea bo kon bayongan intau inta kotaki-takinnea, “Kita in mobuatdon nongkon naa bo mayá in Betel. Kon tua akuoi in moposindogdon in mezbah kon i Allah inta ain notuḷung kon inakó kon dodai in kinoantugan in roriga bo inta ain noḷukad kon inakó kon ondaka in binayáanku. Dá ḷumbúdon in patong dewa mita ibanea mako inta kodia-dia monimu; aidaidon in upacara pondaritan kon awak bo pakédon in pakeang inta modarit.”

YOHANES 21:17

Intoḷuneadon ki Yesus in noḻibó kon inia, “Simon adí i Yohanes, motabi degá in iko kon i-Nakó?” Moajardon totok in gina i Petrus sin ki Yesus nodapot in kotoḷu in noḻibó kon inia. Dá ki Petrus in notubag bui, “Tuhan, kinotaauanbí i Tuhan in bayongan yagi-yagi. Kinotaauanbí i Tuhan kon akuoi in motabibí kon i Tuhan!” Bo ki Yesus in noguman kon inia, “Ḷukadaidon in domba-Ku mita.

SAMUEL 1 1:26

Ki Hana in noguman kon i Eli, “Ampung, Amá. Kinotoropanpa i Amá in akuoi? Akuoi naa in bobay inta koḻipod inontong i Amá sinimindog kon naa, nosambayangmai kon i Tuhan.

PINOGIAPAN 21:3

Sinarima i Tuhan in oigum in intau Israel bo sinuḷungan-Nea in mosia nonaḷow kon intau in Kanaan. Dá intau mita in Israel noyompat kon bayongan intau in Kanaan takin kotá mita monia, bo tampat tatua sinangoian monia in Horma.

DATU MITA IMITÁNEA 9:3

Ki Tuhan in noguman kon inia, “Sambayangmu inindongogan-Kudon, dá tanaa in baḷoi inta pinosindogmu tanion poniata-Kudon kon mobaḻí tampat mokudus inta umuran mononoi pakéon posumbaan kon i-Nakó. Umuran-Kubí indoian mako bo ḷukadan in tampat tanaa.

MAZMUR 28:6

Dinayo-dayowdon in ki Tuhan, sin Sia in nokidongogdon kon oigumku.

YESAYA 38:15

Onu in motaauku singogon? Naa in aidbí i Tuhan; diá mokosiug in akuoi popisí in morobonoḷ in gina.

OMBAḶ 3:56

Totok in poigumonku kaasí dikapa momompon kon bongoḷan-Mu kon onu inta poigumonku sinbá Iko in motuḷung kon inakó. Dá sambayangku in inindongogan-Mudon, bo Iko in namangoi dinimiug; iko in noguman, ‘Dika moondok.’

YUNUS 2:3

Kon tampat modaḷom akuoi pinogonag-Mu, nodapot kon apad in dagat. Kon tua torú in tubig iḻimibu kon inakó, bokoḷ bo ḻimboknea nopogambat kon inakó.