MAZMUR 115:3 - Alkitab Singog In Mongondow Masa In Tanaa

³ Ki Allah naton in kon soroga, Sia in mogaid kon onu in kinoibog-Nea.

MAZMUR 115:3 Referans Kwoze

MAZMUR 135:6

Sia in nogaid kon onu in kinoibog-Nea, kon ḷangit bo kon butá, kon dagat bo kon baḷangon inta modaḷom.

DANIEL 4:35

Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”

YESAYA 46:10

Nongkon pinomangkoianmai pinotaau-Kudon in onu inta mobaḻí kon singgai moiduduimai, nongkon dungkuḷpabímai ain sinoḻindap-Ku onu in mobaḻí. Guman-Ku: Onu inta ain sinantú-Ku in mobaḻíbí, onu in koibog-Ku in notantúbí kon aidan-Ku!

EPESUS 1:11

Bayongan yagi-yagi in pinomia i Allah pinoduduibí in ibog-Nea bo kaputusan-Nea tontaní. Nongkon pinomangkoianpamai Sia ain nomiḻí kon i naton sin ibogon-Nea kita in mobaḻídon umat-Nea sin motobatú i Kristus.

MAZMUR 103:19

Ki Tuhan in nomarenta kon soroga, Sia in datu inta nongawasa kon bayongan in yagi-yagi.

SURAT I PAULUS KON JAMAAT RUM 9:19

Utat mita, moiko in mogumanbí nanaa kon inakó, “Aka natua yo nongonu sin ki Allah in moibogpabí mopotaḷá in intau? Ki ine in mokoḷamboi kon ibog i Allah?”

MAZMUR 2:4

Nongkon ḷoḻitúan pomomarentaan-Nea kon soroga ki Tuhan kinomosing bo moningkuḻe kon tomayá monia.

MATIUS 6:9

Tuamai aka moiko bo mosambayang yo singogdon naa: ‘O Allah, Amá nami inta kon soroga, tongábí Iko in ki Allah inta sinumba bo inta dayo-dayowon nami.

MAZMUR 123:1

Dondong mayá kon Baḷoi Tuhan. Akuoi in iḷumangag kon ini-mu o Tuhan inta nomarenta kon soroga.

TAWARIKH 1 16:25

Sin moḷobenbí in ki Tuhan bo dinayow totok; Sia in mustibí koondok moiḻiu kon bayongan in dewa.

MAZMUR 68:4

Táe intau motoḷutui in mopia takin moḷunganga in gina, mosia in moronggiow pia in gina kon tayowon i Allah.

AYUB 23:13

Ki Allah tua in diábí mobaḷu-baḷui; diábí in mokoḷawang kon i-Nia. Sia in mopobayábí onu inta kinoibog-Nea.

DANIEL 4:32

Iko in poguntunon nongkon sigad in intau mita, bo mobiag moyotakin in mahaḷuk mita kon rawang. Pitu notaong in koonggotnea iko in mokaan kon bonok naonda bo sapi. Mopaḷut mako kon tua iko in mongakudon kon Ki Allah Inta Totok in moḷantud in kitogi kawasa kon dodatuan in intau bo dodatuan tatua in inogoi-Nea kon i inekabí inta piniḻí-Nea.”