17 Ki Tuhan in diábí dinayow in intau minatoi, in intau inta ain noponag kon tampat inta noingongow.
Pobuidon mangoi, Tuhan, bo posaḷamatdon in akuoi, posaḷamatdon in akuoi popisí in tabi-Mu.
Igumon mako Iko in moibogpa kon mogogundoi-Mu; posaḷamatpa kaasí in akuoi popisí in tabi-Mu.
Kon ini-Mu, o Tuhan, pokuanianku, kon i Tuhan in poigumanku,
Intau inta mosatia in umuran moaman kon bonu in kawasa i Tuhan. Táe intau inta moraat in morimumud matoi kon bonu in sindip bo kintui totok. Ropot tontaní diá motaau in pongata, ropot in intau diá mokoogoi kon kauntungan.
Sin kon dunia in intau minatoi Iko in diá bidon toropon; diábí in modayow kon ini-Mu kon dunia in intau minatoi.