Biblia Todo Logo
Bib sou entènèt

- Piblisite -




MAZMUR 110:1 - Alkitab Singog In Mongondow Masa In Tanaa

1 Mazmur i Daud. Ki Tuhan in noguman kon i tuangku, “Ḻitúdon kon dotá in koḷanan-Ku, modapot in musungmu mita potungkudon-Ku kon inimu.”

Gade chapit la Kopi




MAZMUR 110:1
23 Referans Kwoze  

Ki Kristus in mustibí umuran momarenta modapot in bayongan saturu i Kristus potungkudon i Allah kon tayowon i Kristus.


Diábí kon dodai in onda ki Allah in noguman kon malaekat mita: “Ḻitúdon kon dotá in koḷanan-Ku, dapot in bayongan saturu-Mu potungkudon-Ku kon tayowon-Mu.”


Sia doman naa in moponiata in kamuliaan i Allah inta diá in poḻiuan tua. Bo noniatadon totok kon i-Nia in rupa i Allah tontaní. Singog-Nea inta mokawasa totok tua in pinaké-Nea moḷukad kon dunia naa. Bo naonda in sinobut-Neadon in dosa mita in intau, iḻimitúdon in Sia kon ḷoḻitúan pomomarentaan kon soroga moyotakin i Allah Pongawasa inta totok in moḷantud.


Mogaid in kita kon tua takin umuran mopirisaya kon i Yesus, sin Sia tuata inta nopobangon kon pirisaya naton bo umuran noḷukad kon pirisaya naton nongkon pinomangkoianpamai dapot in pangabisannea. Nonahangbí in ki Yesus in iyoyiga kon kayu pinoyotaḻempang! Diábí pinandung-Neamai in matoi kon kayu pinoyotaḻempang tua kon totokbí in mokooyá. Tongábí ḷunganga inta korasaan-Nea kon singgai moiduduimai in umuran pinonorop-Nea mako. Bo tanaa mako, Sia in iḻimitúdon kon dotá in koḷanan i Allah bo nomarenta noyotakin-Nea.


Ki Yesus nogabat, “Natuata in gumanmu. Táe pirisayadon: pinangkoidon kon tanaa mako, moiko in mokoontong kon i Adí Intau in ḻimitú kon dotá in koḷanan i Inta Totok in Mokawasa bo mamangoi mongin ḻimonik in goḷom mita kon ḷangit!”


bo ain namonik in soroga. Bo tanaa mako Sia ain nongawasa noyotakin i Allah bo nomarenta doman kon bayongan malaekat, bayongan mongongawasa bo bayongan ropot kon dunia naa.


Táe dinuí-Mu in sia gogió bo notongkai i Allah, Pinopoḷutudan-Mu in sia in kamuliaan bo kahoromatan.


Naabí in pangkoi totok onu in inouman naton: Oyúondon in Imang Moḷoben naton ná tatua inta iḻimitú nomarenta noyotakin i Allah inta totok Momulia kon soroga.


Moiko ain bidon biniag bui noyotakin i Kristus. Tuamai poramujidon in moiko mokouḻí kon soaḷ mita inta kon soroga, kon tampat kon onda in ki Kristus nomarenta noyotakin i Allah.


Naonda in ki Yesus nopaḷut nongonguman monia, Sia sinintakdon minayá in soroga. Kon tua, Sia momarenta takin i Allah.


Kon itoi in mododondong. Podudui in dondong Gitit. Mazmur i Daud.


Onda intua Sia iyumayú topiḻik kon murí-Nea mita tatua, degá topogaraban batu in koyayúnea, bodongka sinumungkud bo nosambayang.


Ki Daud in sinimindog kon tayowon monia bo noguman, “Utatku mita inta tongobangusaku, indongogaipa! Noonggotdon in niatku moposindog in baḷoi tobatú sin potagúan kon Poti Dodandian, pomomuntukan i Tuhan Allah naton. Akuoi in nosadiadon kon moposindog in baḷoi tobatú tampat pososumbaan kon i-Nia.


Tuhan, popoḷabúdon in hukuman kon i inta mopoponapud kon inakó, kon intau inta moguman kon uboḷ soaḷ akuoi.


Siabí tua inta bain moposindog in Baḷoi-Ku bo motarima kon kahoromatan naonda bo datu tobatú, bo sia in momarenta kon rayatnea. Imang tobatú in umapidbí kon inia bo mosia in mogaidon moyotakin takin pia-pia mako.’


Swiv nou:

Piblisite


Piblisite