MAZMUR 11:7 - Alkitab Singog In Mongondow Masa In Tanaa

⁷ Sin ki Tuhan in mopia bo moadil, Sia in motabi kon intau inta nogaid kon inta mopia; intau motuḻid in mokoontongbí bo monotaau kon i Tuhan.

MAZMUR 11:7 Referans Kwoze

WAHYU 22:4

Mosia in mokoontong kon pogot-Nea, bo tangoi-Nea in paisondon kon pogot monia.

MAZMUR 17:15

Táe akuoi in imindoibí kon ini-Mu, sin akuoi in diá kotaḷá. Kon tungkuḷ in akuoi nobangon, kinoangoian-Mu nokoḷunganga kon ginaku.

PETRUS 1 3:12

Sin umuranbí indoian i Tuhan in intau mita inta dinumudui kon onu inta kinoibog-Nea, bo umuranbí i Tuhan indongogan in sambayang mita monia; táe ki Tuhan in moḷawangbí kon intau mita inta umuran mogaid kon onu inta moraat.”

MAZMUR 45:7

Ki Allah in nobogoi in kawasa kon inimu momarenta, kawasa-Mu in modapotbí in mononoi; pinodoyon kon inta moadil iko in momarenta kon rayatmu.

AYUB 36:7

Intau mita mojujur inindoian-Nea, binaḻí-Nea in mosia mongawasa ná datu mita, dá mosia in umuran ihoromat.

YOHANES 1 3:2

Utat mita inta kinotabiku! Tanaa mako kita ain nobaḻí ki adí i Allah, táe kaadaan naton kon singgai moiduduimai in diápa notarang.Tongá kinotaauan naton kon aka ki Kristus in mamangoi, kita naa in mobaḻí ná Sia, sin kita in mokoontong kon i-Nia kon bonu in kaadaan-Nea inta sabanarnea.

MAZMUR 42:5

Moajar in ginaku aka mokotorop kon singgai tungkuḷ intua, kon tungkuḷ in akuoi mayá in Baḷoi Tuhan moyotakin in intau mobayong sin momia kon bobutungan. Akuoi in kon muna in intau mobayong tatua sindaḷan mopodondong in dondong dodayow.

MAZMUR 34:15

Poyayúdon in inta moraat, bo aidaidon in inta mopia, ḷongasidon totok in mobiag mododamean.

MAZMUR 33:18

Ki Tuhan in moḷukad kon intau mita inta mopirisaya inta mongamang mako kon tabi-Nea.

MAZMUR 99:4

Kawasa in kon ini-Mu, datu inta motabi kon hukum; Iko in noposindogdon in inta mobanar; Iko in nopobayá in hukum bo kooadil kon Israel.

MAZMUR 33:5

Sia in motabi totok kon kojojujur bo kooadil; sinangkub in butá nopuḻingbí in tabi-Nea.

MAZMUR 21:6

Popisí in totuḷung-Mu dá nobaḻí in sia totok in ihoromat, binaḻí-Mu in sia ponango-nangoian bo motarimbuka mako.

MAZMUR 5:12

Igumon mako bayongan in intau inta noniung kon ini-Mu mopia in gina bo tantú monggoḷokap. Ḷukadaidon in intau mita inta motabi kon ini-Mu, sinbá moḷunganga in gina monia popisí in Iko.

YESAYA 61:8

Ki Tuhan in noguman, “Akuoi in moibog kon inta moadil bo mondoí kon pondorotan bo aid moraat. Akuoi in mobogoibí in tondan pinogaidanmu takin satia, bo motogot kon dodandian mononoi takin i monimu.

MAZMUR 146:8

bo mobuká kon mata in intau bilog. Sia in moposindog kon intau inta noḷabú, bo motabi kon intau inta mojujur.

MAZMUR 7:9

Iko in mohakim kon umat intau; pobayádon in inta moadil, o Tuhan, sin diábí kotaḷá in akuoi.

MAZMUR 7:11

Moḷoḷukadku in ki Allah inta moposaḷamat kon intau inta motuḻid in gina.

MAZMUR 37:28

Sin ki Tuhan in motabibí kon oaid inta mopia bo moadil, intau inta motoindudui kon i-Nia in diábí bio-bióon-Nea mako in moiḷaḻe. Sia in moḷukadbí kon i monia modapot in mononoi, táe buí in intau moraat in yompatonbí.

MAZMUR 45:8

Iko in moibog in inta mobanar bo mondoí kon inta moraat; tuamai, ki Allah, Allahmu ain nomiḻí kon inimu, bo nopoḷunganga kon inimu noiḻiu kon datu mita ibanea.

AMSAL 15:9

Ki Tuhan in doíbí kon kobobiag in intau moraat, táe Sia in motabibí kon intau inta moḷongasi mogaid kon onu inta kinoibog-Nea.