MAZMUR 11:6 - Alkitab Singog In Mongondow Masa In Tanaa

⁶ Intau moraat ihukum-Nea in bodito, takin tuḷú, balerang bo tompot inta mokopokak.

MAZMUR 11:6 Referans Kwoze

YEHEZKIEL 38:22

Sia in hukumon-Kubí in yampoi in takit bo mosiḻimodan. Uyan morogot bo uyan in eis, tuḷú bo balerang in popobutak-Kubí kon inia bo kon tontaranea bo kon mobayong in bangusa inta dinumugang kon inia.

KINOBAḺIAN 19:24

Indoianmai daḻídon in ki Tuhan nopoonag in uyan balerang inta kodoko-dokot. Tua mita in noḷabú kon Sodom bo Gomora.

YEHEZKIEL 13:13

Ki Tuhan Inta Totok in moḷantud noguman, “Kon bonu in torú-Ku, Akuoi in mopoangoi in deḷang, uyan morogot bo uyan eis sin morimumud kon dinding tatua.

LUKAS 17:29

Táe naonda in ki Lot iḷumuai nongkon Sodom, kon singgaipa doman tatua, tuḷu bo balerang noḷabú nongkon ḷangit bo nomutú kon i monia komintan.

MAZMUR 75:8

Táe ki Allahbí tontaní in mohakim, Sia in mopoompá kon tobatú bo mopoḷantud kon ibanea.

AYUB 20:23

Kon tungkuḷ in sia diá mogoga-gogai in momonu kon siannea, ki Allah in sinumorúdon totok bo nohukum kon inia.

AYUB 18:15

Tanaa in ki inekabí motaaubí in mogutun kon bonu in ḷoḷaigannea, bo kon tua sinabudan in balerang, ponabang kon takitnea.

YOHANES 18:11

Dá ki Yesus in noguman kon i Petrus, “Tungkogdon bui kon gumánea in pitowmu nion! Degá iraimumai kon diábí inumon-Ku in palo in roriga inta inogoi i Amá kon i-Nakó?”

HABAKUK 2:16

Yo tanaa in noiyaputdon in wakutumu pokopooyáanmai, bo deemanbí horomaton. Kahoromatanmu in mobaḷui mobaḻí kohohina. Ki Tuhan in momakisa kon inimu monginum nongkon palo inta bonunea in hukuman kon inimu. Iko in monginumbí bo moipape magí mako.

MAZMUR 105:32

Sia in nopoonag in uyan eis, bo nopoangoi in kilat inta monampí magí mako.

YESAYA 51:17

Pobangondon ei Yerusalem, pobangondon! Hukuman inta pinoḷabú i Tuhan popisí in torú-Nea ain pinobayámu nodapot in nopaḷut.

MAZMUR 16:5

Tuhan, tongá Iko in kinoibogku; Iko in nobogoi in bayongan inta paraḷuku, ukurku in kon bonubí in kawasa-Mu.

YESAYA 51:22

Naa in guman i Tuhanmu, Ki Tuhan Allahmu inta noduḷu kon i monimu, “Roriga inta inogoi-Ku kon bonu in torú-Ku, in gamáan-Kudon bui nongkon inimu. Torú-Ku in moonowdon, bo moiko in dikadon mobaba kon tua.

SAMUEL 1 9:23

Noiduduimai kon tua ki Samuel noguman kon mododungú, “Oḷudon in ponoyá inta koina inogoiku kon inimu tua.”

SAMUEL 1 1:4

Pomuḷoi in ki Elkana moposumba in kuruban, ki Penina bo bayongan in adínea tukidannea in tumongo silai in ponoyá inta pinokuruban tatua.

KINOBAḺIAN 43:34

Mosia inogoian in kaanon nongkon meja i Yusup, bo ki Benyamin inogoian koḻima in kobayongnea nongkon i guya-guyangnea. Bo nongaan bo nonginumdon in mosia noyotakin i Yusup nodapot in nobotug.

AYUB 18:10

Kon butá, noiadop in potait; kon daḷan, oyúon in bubú bo puḷut.

MAZMUR 18:13

Nongkon kilat inta kon tayowon-Nea, iḷumuaidon in goḷom, uyan eis bo tuḷú.

MAZMUR 32:10

Intau binaradosa kinoantugan in roriga mobayong; táe intau inta nongamang kon i Tuhan umuranbí iḷukadan in tabi-Nea.

YEREMIA 13:25

Tuata in ukurmu inta ain sinantú-Ku popisí in moiko ain nokoḻiong kon i-Nakó, bo nopirisayadon kon ilah mita diá totuu.